Hosea 13:1-16
13 “Efraimu naakaambaula, bantu bakakankama;Wakali kulemekwa kapati mu Israyeli.+
Pele wakaba amulandu akaambo ka Baala+ eelyo wakafwa.
2 Lino bayungizya cibi kucibi caboAlimwi balipangila zikozyanyo zifwulidwe kubelesya nsiliva yabo;+Cabupampu bapanga mituni, yoonse buyo milimo yabasyaazibwene.
Kujatikizya njiyo baamba kuti, ‘Baalumi ibatuula zipaizyo abamyonte boombe.’+
3 Aboobo bayooba mbuli makumbi aamafwumofwumo,Mbuli mume uufwambaana kuzimaana,Mbuli buungu bupepululwa aguwo kuzwa kulubuwa lwakuumina maila,Ambuli busi buzwa acipulo cili kuciluli.
4 Pele mebo ndime Jehova Leza wako kuzwa kucisi ca Egepita;+Kunyina Leza uumbi ngowakazyi kunze lyandime,Alimwi taakwe mufwutuli uumbi kunze lyandime.+
5 Mebo ndakalikuzyi yebo munkanda,+ munyika yaciyumayuma.
6 Bakakkuta macelelo aabo,+Bakakkuta eelyo myoyo yabo yakalisumpula.
Aboobo bakandiluba.+
7 Ndiyooba mbuli syuumbwa uucili mwana kulimbabo,+Mbuli siluwe uuyubilila munzila.
8 Ndiyoobavwaampila mbuli munyama uutegwa bbeya iwasweekelwa bana bakwe,Alimwi ndiyoocikwamuna camba cabo.
Ndiyoobalya ooko mbubonya mbuli syuumbwa;Imunyama wamusyokwe uyoobakwamauna.
9 Uyookunyonyoona, O Israyeli,Nkaambo ndime ngowazangila, mebo ndemugwasyi wako.
10 Ino lino uli kuli mwami wako, kutegwa akufwutule muminzi yako yoonse,+Abaleli* bako aabo mbowakali kwaamba kuti,‘Kondipa mwami alimwi abasilutwe’?+
11 Ndakakupa mwami kandinyemede,+Alimwi ndiyoomugwisya mubukali bwangu.+
12 Cinyonyoono ca Efraimu cilivwungailidwe;*Cibi cakwe ciliyobwedwe.
13 Kumyongwa kwamukaintu uutumbuka kuyoomusikila.
Pele mwana ooyu mufwubafwuba;Tazwi mwida nokuba kuti casika ciindi cakuzyalwa.
14 Ndiyoobavwuna kunguzu zya Cuumbwe;*Ndiyoobanununa kulufwu.+
Ino luli kuli lumoola lwako, O Lufwu?+
Ino luli kuli lunyonyooko lwako, O Cuumbwe?+
Lubomba luyoosiswa kumeso aangu.
15 Nokuba kuti akatunde akati kamatete,Muwo wakujwe uyooboola, imuwo wa Jehova,Ulaboola kuzwa munkanda, kuzooyuminizya mugoti wakwe akumana maanzi mukasensa kakwe.
Muntu ooyo uyoosaala ciyobwedo cazintu zyakwe zyoonse ziyandisi.+
16 Samariya uyoopegwa mulandu,+ nkaambo wazangila Leza wakwe.+
Bayoojaigwa apanga,+Bana babo bayoopwayaulwa,Abalo bamakaintu babo bamitide bayakwaandulwa.”
Bupanduluzi buyungizyidwe
^ Mu Chihebrayo, “Ababetesi.”
^ Naa “ciliyobwedwe.”
^ Naa “Cikkalilo Cabafwu.” Amubone Bupanduluzi Bwamabala.
