Hosea 4:1-19
4 Amumvwe jwi lya Jehova nywebo nobana Israyeli,Nkaambo Jehova ujisi kaambo kakubeteka bantu bakkala mucisi+ eeci,Akaambo kakuti kunyina kasimpe noluba luyando lutamani naa luzyibo lwa Leza mucisi eeci.+
2 Kukonka cakubeja, lweeno,+ kujaya,+Kubba alimwi abumambe+ zilimwaikide koonse-koonse,Alimwi milimo yakutila bulowa yiile kutobelana amilimonyina yakutila bulowa.+
3 Nkakaambo kaako cisi eeci ciyoolila+Alimwi boonse bakkala mulincico bayoofwa;Banyama bamusyokwe alimwi abayuni bamujulu,Noziba nswi zyamulwizi, zyoonse buyo ziyooloba.
4 “Nokuba boobo, kutabi muntu uukazya naa uusinsa,+Nkaambo bantu bako bali mbuli baabo ibakazyanya amupaizi.+
5 Aboobo yebo uyakuwa syikati kakutuba buu,Awalo musinsimi uyakuwa antoomwe anduwe mbuli kuti masiku.Banyoko ndiyoobanyonyoona.
6 Masimpe bantu bangu bayoonyonyoonwa akaambo kakuti kunyina luzyibo.
Mbokunga yebo walukaka luzyibo,+Nkokuti andime ndiyookukaka, kuti toli mupaizi wangu;Alimwi mbokunga wauluba mulawo* wa Leza wako,+Nkokuti andime ndiyoobaluba bana bako.
7 Nobakali kuyaabuvwula, bakaindila kundibisyila.+
Ndiyoocinca bulemu bwabo kuba masampu.*
8 Balya micelo yacibi cabantu bangu,Alimwi bayandisya cinyonyoono cabo.
9 Eeco iciyoocitikila bapaizi nceciyoobacitikila abalo bantu;Ndiyoobapa mulandu akaambo kanzila zyabo,Alimwi ndiyoobasubula akaambo kamicito yabo.+
10 Bayoolya, pele tabakakkuti pe.+
Bayoocita buvwuule, pele tabakavwuli pe,+Akaambo kakuti tabamulemeki Jehova.
11 Buvwuule awaini uulula alimwi awaini mupyaNzyezimana luyandisisyo lwakucita cintu cibotu.*+
12 Bantu bangu babuzya makani kumituni yazisamu,Bacita ncoibaambila nkoli* yabo;Nkaambo muuya wabuvwuule ubapa kuleya,Alimwi akaambo kabuvwuule bwabo bakaka kulibombya kuli Leza wabo.
13 Balatuula zipaizyo atala aamalundu,+Alimwi bauntumuna busi bwazipaizyo atala aatulundu,Amunsi lyamikamba, lyamizimbwa alimwi alyazisamu zyoonse zipati,+Akaambo kakuti zimvwiide zyanzizyo nzibotu.Nkakaambo kaako bana banu basimbi bacita buvwuuleAbalo bamukabana banu bacita bumambe.
14 Tandikabasubuli bana banu basimbi akaambo kabuvwuule bwabo,Abalo bamukabana banu tandikabasubuli akaambo kabumambe bwabo.
Nkaambo baalumi babweza bavwuule akuunka ambaboAlimwi batuula zipaizyo antoomwe abavwuule bamutempele;Bantu bali boobu batakwe maano+ bayoonyonyoonwa.
15 Nokuba kuti yebo Israyeli ucita buvwuule,+Juda atabi aamulandu pe.+
Mutaunki ku Giligala,+ nokuba ku Beti-aveni,+Alimwi mutakonki kuti ‘Masimpe, Jehova mbwali muumi!’+
16 Nkaambo mbubonya mbuli ŋombe mpwizi iitamvwi, Israyeli waba sicinguni.+
Aboobo sena Jehova lino weelede kubeembela mbuli mwanaambelele weembelwa mumacelelo mapati?*
17 Efraimu walikumbatizya kumituni.+
Amumuleke acibone!
18 Ciindi bukoko* bwabo nobumana,Balacita buvwuule.*
Abalo baleli* bakwe bayandisya masampu.+
19 Muwo uyoomubbubbula akumutola,*Aboobo bayoofwa nsoni akaambo kazipaizyo zyabo.”
Bupanduluzi buyungizyidwe
^ Naa “malailile.”
^ Naa ambweni, “Muciindi cakundilemeka bandisampaula.”
^ Mu Chihebrayo, “Nzyezitola moyo.”
^ Naa “nkoli yasikusonda.”
^ Mu Chihebrayo, “mubusena bukwakwabukide?”
^ Naa “bukoko bwawiiti.”
^ Naa “Balaciindizya kucita buvwuule.”
^ Mu Chihebrayo, “Azyalo ntobo.”
^ Naa “uyoomukukula.”
