Hosea 5:1-15
-
Lubeta lujatikizya Efraimu a Juda (1-15)
5 “Amuswiilile makani aaya nywebo nobapaizi,+
Amubikkile maano nywebo nobamuŋanda ya Israyeli,Amuswiilile nywebo nobamuŋanda yamwami,Nkaambo lubeta lujatikizya ndinywe;Nkaambo ndendinywe kakole ku MizipaAlimwi alunsabwe luyalidwe atala lya Tabori.+
2 Aabo ibaleya* babbide buya* mumulimo wakujaya,Aboobo mebo ndilabacenjezya* boonse buyo.
3 Mebo ndilimuzyi Efraimu,Alimwi Israyeli tasisidwe pe kulindime.
Nkaambo lino yebo Efraimu wacita buvwuule;Awalo Israyeli walisofwaazya mwini.+
4 Micito yabo tiibazumizyi kupilukila kuli Leza wabo,Nkaambo kuli muuya wabuvwuule akati kabo;+Alimwi tabamubikkili maano Jehova pe.
5 Kulisumpula kwa Israyeli kwapa bumboni bumupa mulandu walo mwini;+Boonse bobilo, Israyeli a Efraimu bawa mucinyonyoono cabo,Awalo Juda wawa antoomwe ambabo.+
6 Abutanga bwabo bwambelele abwaŋombe bakaunka kuyooyandaula Jehova,Pele tiibakamujana pe.
Wakalibatantamukide akubasiya.+
7 Tiibasyomeka kuli Jehova,+Nkaambo bazyala bana bamusyokwe.
Aboobo mwezi omwe buyo uyoobamana kubalya* azyaabilo zyabo.*
8 Amulizye mweembo+ mu Gibea, amulizye mweembo mu Rama!+
Amoongolole aloongololo lwankondo ku Beti-aveni,+ tutobela nduwe O Benjamini!
9 Yebo Efraimu uyooba cintu cigambya mubuzuba bwakusubulwa.+
Ndaambilizya cintu ciyoocitika ncobeni akati kamisyobo ya Israyeli.
10 Basilutwe ba Juda bali buyo mbuli baabo baswenzya munyinza.+
Ndiyoobatila bukali bwangu mbubonya mbuli maanzi aapoomoka.
11 Efraimu wapenzyegwa, wapwayaulwa alubeta,Nkaambo wakalikanzide kutobela sinkondonyina.+
12 Aboobo, mebo ndakali mbuli nkoonkolekwa yamasiku kuli EfraimuAmbuli kubola kuli bamuŋanda ya Juda.
13 Efraimu naakabona bulwazi bwakwe, awalo Juda naakabona cilonda cakwe,Efraimu wakaunka ku Asuri,+ alimwi wakatuma mutumwa kumwami mupati.*
Pele ooyo mwami tanaakacikonzya kumuponya nywebo,Alimwi kunyina naakacikonzya kusilika cilonda canu.
14 Mebo ndiyooba mbuli syuumbwa uucili mwana kuli Efraimu,Ambuli syuumbwa singuzu* kuli bamuŋanda ya Juda.
Mebo lwangu ndiyoobazazaula mpoonya akuunka;+Ndiyoobatola, eelyo kunyina uuyoobavwuna.+
15 Ndiyakuunka akupiluka kubusena bwangu kusikila mane bakasubuke akaambo kamilandu yabo,Eelyo bayoondiyandaula kuti ndibafwide luzyalo.*+
Baakupenga, bayoondiyandaula.”+
Bupanduluzi buyungizyidwe
^ Naa “Bazangi.”
^ Naa “balinjilide kapati.”
^ Naa “ndilabasubula.”
^ Naa ambweni, “Aboobo bayoomana kuligwa mumwezi omwe buyo.”
^ Naa “amyuunda yabo.”
^ Naa “Mwami Jarebu.”
^ Naa “syuumbwa uucili mwana-mwana.”
^ Mu Chihebrayo, “bayooyandaula busyu bwangu.”
