Hosea 6:1-11
6 “Amuboole, tupiluke kuli Jehova,Nkaambo walo watuzazaula,+ pele uyootuponya.
Wakatuuma, pele uyakwaanga zilonda zyesu.
2 Uyootubukulusya kwainda mazuba obilo.
Mubuzuba bwatatu uyootubusya,Eelyo tunoopona kumbele lyakwe.
3 Tuyoomuzyiba, tuyoosolekesya camoyo woonse kumuzyiba Jehova.
Kuboola kwakwe kulisinizyidwe mbubonya mbuli bucedo;Uyooboola kulindiswe mbuli mvwula yamucobocobo,Mbuli mvwula yamamanino eeyo iitesya nyika.”
4 “Ino ndilakucita buti yebo Efraimu?
Ino ndilakucita buti yebo Juda?
Nkaambo luyando lwanu luli mbuli makumbi aamafwumofwumo,Ambuli mume ooyo uufwambaana kuzimaana.
5 Nkakaambo kaako ndiyoobakosaula kubelesya basinsimi;+Ndiyoobajaya amajwi aazwa kumulomo wangu.+
Alimwi lubeta iluyoomusikila nywebo luyoomweka mbuli mumuni.+
6 Nkaambo nceyandisya nduyando lutamani* ikutali zipaizyo,Akuzyiba Leza ikutali zituuzyo zyuumpwa buumbulu.+
7 Pele balo, mbubonya mbuli bantu buyo, bacijaya cizuminano cangu.+
Ooko tiibasyomeka kulindime.
8 Gileadi munzi wabasimucita zibi,+
Uzwide mikondo iijisi bulowa.+
9 Inkamu yabapaizi ili mbuli zigwebenga ziyubilila muntu.
Bajaya bantu munzila ku Sekemu,+Nkaambo micito yabo ilasesemya.
10 Ndabona cintu cibi kapati muŋanda ya Israyeli.
Mulinjiyo Efraimu mwacitila buvwuule;+Israyeli walisofwaazya mwini.+
11 Lino yebo Juda, wabikkilwa ciindi cakutebulwa,Ciindi bantu bangu ndaakubapilusya kuzwa mubuzike.”+
Bupanduluzi buyungizyidwe
^ Naa “nduse.”