Hosea 8:1-14
8 “Kobikka mweembo kumulomo wako uulizye!+
Sinkondo waboola mbuli sikwaze kuzoolwana ŋanda ya Jehova,+Akaambo kakuti bajaya cizuminano cangu+ akutyola mulawo wangu.+
2 Baluujisi kundikwiilila kabati, ‘O Leza wesu, swebo tobana Israyeli tulikuzyi!’+
3 Israyeli wakaka cintu cibotu.+
Aboobo sinkondo aamutandaanye.
4 Balisalila bami, pele kutali kwiinda mulindime.
Balisalila basilutwe, pele mebo tandibazyi pe.
Kwiinda mukubelesya nsiliva angolida yabo balipangila mituni,+Akulinyonyoona lwabo beni.+
5 Moombe wako ndamukaka, O Samariya.+
Bukali bwangu bwabavwutukila.+
Ino balaalilwa kwaciindi cilamfwu buti kuba bantu banyina mulandu?*
6 Nkaambo ooyu wakazwa mu Israyeli.
Syaazibwene ngookaupanga, tali Leza pe;Moombe wa Samariya uyoopwayaulwa.
7 Nkaambo basyanga muwo,Eelyo bayootebula guwo pati.+
Kunyina cisiko cijisi maila aajinkide;*+Kufwumbwa cisyuuka tacigwisyi fulaulu.
Ikuti kwajanika fulaulu uuli woonse, bamuzwakule* bayakuumana kuulya.+
8 Israyeli uyoomenwa.+
Lino bayooba akati kamasi,+Mbuli cibikkilo icitayandwi.
9 Nkaambo baunka ku Asuri,+ mbuli mbongolo yamusyokwe yalizandula.
Efraimu wabbadela bamavwuule.+
10 Nokuba kuti baluujisi kubabbadela akati kamasi,Lino ndiyoobabunganya antoomwe;Balatalika kupenga+ akaambo kamukuli uuminya uuzwa kumwami alimwi abasilutwe.
11 Nkaambo Efraimu wayungizya zipaililo kutegwa abisye.+
Zyakaba zipaililo zyakwe zyakucitila zibi.+
12 Ndakamulembela zintu zinji zyamumulawo wangu;*Pele zyakabonwa mbuli kuti ncintu ceenzu.+
13 Batuula zipaizyo zyacipego kulindime, alimwi balya nyama yanzizyo,Pele Jehova tabakkomanini pe.+
Lino walo ulauyeeya mulandu wabo akubasubula akaambo kazibi zyabo.+Balo bayoojokela ku Egepita.+
14 Israyeli wamuluba Mulengi wakwe+ akutalika kuyaka matempele,+Awalo Juda wavwuzya minzi iikwabilidwe.+
Pele ndiyootuma mulilo muminzi yakwe,Eelyo uyoozyuumpa ngazi zyaumwi aumwi.”+
Bupanduluzi buyungizyidwe
^ Naa “kuba bantu basalala?”
^ Naa “beenzu.”
^ Naa “aaimvwi.”
^ Naa “zyamumalailile aangu.”
