Intembauzyo 110:1-7
Intembauzyo ya Davida. Lwiimbo.
110 Jehova wakaambila Mwami wangu kuti:
“Kkala kujanza lyangu lyalulyo+Kusikila mane ndikabikke basinkondonyoko kuba cilyatilo camaulu aako.”+
2 Jehova uyootambika musako wanguzu zyako kuzwa mu Ziyoni, kati:
“Nkooko koyaabuzunda akati kabasinkondonyoko.”+
3 Bantu bako bayoolyaaba cakuliyandila mubuzuba bwampi yako yabasikalumamba.*
Mubusalali bweebeka kapati, kuzwa mwida lyabucedo,Ulijisi nkamu yabalombwana bali mbuli malosi aamume.
4 Jehova wakonka cikonke, alimwi takacinci maano pe, wati:
“Yebo uli mupaizi lyoonse mane kukabe kutamani+Mbubonya mbuli Melekizedeki!”+
5 Jehova uyooba kujanza lyako lyalulyo;+Uyoopwayaula bami mubuzuba bwabukali bwakwe.+
6 Uyoobeteka akwaapa mulandu* masi;+Uyoopa kuti cisi cizule mitunta.+
Uyoopwayaula musololi* wacisi cipati.*
7 Uyoonywa* mukalonga kali munzila.
Aboobo, uyakwiintamuna mutwe wakwe.
Bupanduluzi buyungizyidwe
^ Naa “mubuzuba mboiyoolibambila nkondo impi yako yabasikalumamba.”
^ Naa “Uyoobeteka akati ka.”
^ Mu Chihebrayo, “mutwe.”
^ Naa “wanyika yoonse.”
^ Eeci caamba “Mwami wangu,” iwaambwa mukapango 1.
