Intembauzyo 112:1-10
112 Amumutembaule Ja!*+
א [Aleph]
Ulikkomene muntu uuyoowa Jehova,+ב [Beth]Ooyo wiikkomanina kapati milawo yakwe.+
ג [Gimel]
2 Bana bakwe bayooba basinguzu munyika,ד [Daleth]Alimwi zyalani lyabaluleme liyoolelekwa.+
ה [He]
3 Lubono abuvwubi zili muŋanda yakwe,ד ו[Waw]Alimwi bululami bwakwe bulazumanana lyoonse mane kukabe kutamani.
ז [Zayin]
4 Ulamweka kubaluleme mbuli mumuni mumudima.+
ח [Heth]
Ngusilweetelelo,* ngusiluse+ alimwi mululami.
ט [Teth]
5 Zimweendela kabotu zintu muntu ooyo uupa bamwi camoyo omwe.*+
י [Yod]
Weendelezya milimo yakwe cabululami.
כ [Kaph]
6 Takazungaanizyigwi pe.+
ל [Lamed]
Mululami unooyeeyegwa lyoonse mane kukabe kutamani.+
מ [Mem]
7 Kunyina nayooyoowa mulumbe mubi.+
נ [Nun]
Moyo wakwe ulikkede, usyoma Jehova.+
ס [Samekh]
8 Moyo wakwe ulikkede; tayoowede pe;+ע [Ayin]Kumamanino uyoobona mbobayoozundwa basinkondonyina.+
פ [Pe]
9 Wabapa cakuvwuzya;* wabaabila bacete.+
צ [Tsade]
Bululami bwakwe bulazumanana lyoonse mane kukabe kutamani.+
ק [Qoph]
Nguzu zyakwe ziyooyungizyigwa* cabulemu.
ר [Resh]
10 Muntu mubi uyoobona akucimwa.
ש [Shin]
Uyooluma ntwino akunyenguluka.
ת [Taw]
Makanze aababi ayoofwidilila.+
Bupanduluzi buyungizyidwe
^ Naa “Aleluya!” “Ja” nkufwiinsyigwa kwazina lyakuti Jehova.
^ Naa “Ngusilubomba.”
^ Naa “cabuuya.”
^ Naa “cabwaabi.”
^ Mu Chihebrayo, “Lwija lwakwe luyoosumpulwa.”
