Intembauzyo 113:1-9
113 Amumutembaule Ja!*
Amumutembaule, nywebo nobabelesi ba Jehova,Amutembaule zina lya Jehova.
2 Alitembaulwe zina lya JehovaKuzwa lino mane kukabe kutamani.+
3 Kuzwa kumapaswido aazuba kusikila kumabbililo aandilyo,Zina lya Jehova alitembaulwe.+
4 Jehova ulisumpukide atala aamasi oonse;+Bulemu bwakwe bwiindide majulu.+
5 Ino nguni uuli mbuli Jehova Leza wesu,+Ooyo uukkede* kujulu?
6 Ulooka kuti alange julu anyika,+
7 Nguubusya muntu uupengede kuzwa mulusuko.
Nguusumpula mucete kuzwa kucimbotela*+
8 Kuti amupe kukkala ankumekume,Inzya, inkumekume zyabantu bakwe.
9 Ulapa ŋanda kumukaintu uutazyaliKuti abe mutumbu uukkomene uujisi bana.+
Amumutembaule Ja!*
Bupanduluzi buyungizyidwe
^ Naa “Aleluya!” “Ja” nkufwiinsyigwa kwazina lyakuti Jehova.
^ Naa “uukkede acuuno cabwami.”
^ Naa ambweni, “kubusena kusowelwa dooti.”
^ Naa “Aleluya!” “Ja” nkufwiinsyigwa kwazina lyakuti Jehova.
