Intembauzyo 139:1-24
Kumweendelezi wanyimbo. Intembauzyo ya Davida. Lwiimbo.
139 O Jehova, wandilingula alimwi ulindizyi.+
2 Yebo ulizyi nendikkala ansi anendinyamuka.+
Ulaizyiba mizeezo yangu koli kulamfwu.+
3 Ulandibona* nendeenda anendoona;Ulizizyi kabotu nzila zyangu zyoonse.+
4 Kanditanaamba jwi lili lyoonse amulaka wangu,Bona! Yebo O Jehova, inga ulilizyi kale.+
5 Kusyule akumbele, yebo ulindisinkilide;Alimwi wandijata ajanza lyako.
6 Luzyibo luli boobu tandikonzyi kulumvwisya.*
Lulisumpukide kapati cakuti tandikonzyi kulujana.*+
7 Ino nkuli nkondikonzya kuunka kuti nditije muuya wako,Alimwi ino inga ndatijila kuli kuzwa kubusyu bwako?+
8 Ikuti naa ndatanta kujulu, unooliko ooko,Alimwi kuti ndayala bulo bwangu mu Cuumbwe,* bona akwalo ooko unooliko.+
9 Ikuti naa ndauluka amababa aabucedoKuti ndikakkale kulwizi luli kule kapati,
10 Akwalo ooko janza lyako lilakonzya kundisololelaAlimwi janza lyako lyalulyo lilakonzya kundijata.+
11 Ikuti naa ndaamba kuti: “Ncobeni mudima ulandivwumba!”
Nkokuti masiku alandibeda mumuni koonse-koonse.
12 Nouba mudima taukonzyi kukubeda mudima uusiya mbi,Aalo masiku alakonzya kutuba mbubonya mbuli syikati;+Mudima uli buyo mbuli mumuni kulinduwe.+
13 Nkaambo yebo nduwe wakapanga nsa zyangu;Wakandisisa* mwida lyabaama.+
14 Ndilakutembaula nkaambo ndilengedwe munzila iigambya, mbotu kapati.+
Milimo yako mibotu kapati,+Mebo ndilaazyi kabotu makani aaya.
15 Mafwuwa aangu kunyina naakasisidwe kulinduweCiindi nindakali kupangwa cakusisikizya,Ciindi nindakali kunungwa mwida lyabaama.*+
16 Meso aako akandibona nindakacili nsalalila;Zizo zyangu zyoonse zyakalilembedwe mubbuku lyakoAmazuba nozyakabambwa,Kakutanaba cizo nociba comwe akati kazyo.
17 Aboobo, mizeezo yako mibotu kapati kulindime!+
O Leza, mweelwe wanjiyo mupati kapati!+
18 Ikuti ndasola kwiibala, minji kapati kwiinda musenga.+
Nendisinsimuka, inga ndicili anduwe.*+
19 O Leza, inga cainda kubota kuti wabajaya babi!+
Nkokuti zigwebenga* inga zyazwa kulindime,
20 Aabo bakwaamba zintu zibi kabajisi makanze mabi;*Mbaasinkondonyoko aabo ibabelesya zina lyako munzila yabuyo.+
21 O Jehova, sena tandibasulide aabo batakuyandi,+Alimwi sena tabandisesemyi aabo bakuzangila?+
22 Ndilibasulide cakumaninina;+Bandibeda basinkondoma ncobeni.
23 O Leza, kondilanga-langa, uuzyibe moyo wangu.+
Kondilingula, wiizyibe mizeezo iindilibilisya.+
24 Kobona naa mukati kangu kuli nzila iili yoonse mbyaabi,+Alimwi kondeenzya+ munzila iiliko lyoonse mane kukabe kutamani.
Bupanduluzi buyungizyidwe
^ Mu Chihebrayo, “Ulandipima.”
^ Naa “lulandigambya kapati.”
^ Naa “tandikonzyi kulumvwisya.”
^ Naa “Cikkalilo Cabafwu.” Amubone Bupanduluzi Bwamabala.
^ Naa ambweni, “Wakandinunganya.”
^ Mu Chihebrayo, “Eelyo nindakali kunungwa kunsi aanyika.”
^ Naa ambweni, “inga kandiciibala.”
^ Naa “bantu bajisi mulandu wabulowa.”
^ Naa “kweelana amizeezo yabo.”
