Intembauzyo 16:1-11
Mikitamu* ya Davida.
16 Kondikwabilila, O Leza, nkaambo ndiyubide mulinduwe.+
2 Ndaambila Jehova kuti: “Nduwe Jehova, Ikasensa kangu kabubotu.
3 Alimwi basalali ibali munyika,Ibalemekwa, mbambabo ibandipa kukkomana kapati.”+
4 Aabo ibatobela baleza bambi balivwuzyila mause.+
Kunyina nondiyootila zituuzyo zyabo zyabulowa,Nokuba kwaamba mazina aabo+ amulomo wangu.
5 Jehova ncibeela cangu,+ ncaabilo cangu alimwi ninkapu yangu.+
Yebo ulalubamba lukono lwangu.
6 Ndapiminwa akupegwa masena mabotu.
Inzya, ndakkutila alukono lwangu.+
7 Ndilatembaula Jehova, iwandilaya.+
Nociba ciindi camasiku, imizeezo yangu iili ansi aamoyo* ilandilulamika.+
8 Ndibikkide Jehova kumbele lyangu ciindi coonse.+
Akaambo kakuti uli kujanza lyangu lyalulyo, tandikazungaanizyigwi pe.+
9 Aboobo moyo wangu ulakondwa, alimwi ndilikkomene* kapati.
Kunze lyaboobo, ndilakkala* cakuliiba.
10 Nkaambo tokandisiyi* mu Cuumbwe.*+
Tokalekeli uusyomeka wako kuti abone cilindi.*+
11 Yebo ulandipa kuzyiba nzila yabuumi.+
Kumbele lyako* kuli kukondwa kutaambiki;+Kujanza lyako lyalulyo kuli lukkomano* mane kukabe kutamani.
Bupanduluzi buyungizyidwe
^ Amubone Bupanduluzi Bwamabala.
^ Naa “mbondilimvwa mukati mwini.” Mu Chihebrayo, “insa zyangu.”
^ Mu Chihebrayo, “bulemu bwangu bulikkomene.”
^ Naa “mubili wangu ulakkala.”
^ Naa “tokandilekelezyi.”
^ Naa “Cikkalilo Cabafwu.” Amubone Bupanduluzi Bwamabala.
^ Naa ambweni, “abone kubola.”
^ Mu Chihebrayo, “Kubusyu bwako.”
^ Naa “kubotelwa.”
