Intembauzyo 20:1-9
-
Kufwutulwa kwamwami wa Leza uunanikidwe
-
Bamwi basyoma nkalaki amabbiza, “pele swebo twiita zina lya Jehova” (7)
-
Kumweendelezi wanyimbo. Lwiimbo lwa Davida.
20 Jehova akuvwiile mubuzuba bwamapenzi.
Izina lya Leza wa Jakobo alikukwabilile.+
2 Aakutumine lugwasyo kuzwa kubusena busalala+Akukulanganya kuzwa ku Ziyoni.+
3 Aaziibaluke zituuzyo zyazipego zyako zyoonse;Alimwi calukkomano aacitambule* cituuzyo cako cakuumpa. (Sela)
4 Aakupe nzyoyanda mumoyo wako+Akuzuzikizya makanze* aako oonse.
5 Tuyakoompolola cakukondwa akaambo kamilimo yako yalufwutuko;+Muzina lya Leza wesu+ tuyoosumpula ndembela zyesu.
Jehova akucitile zintu zyoonse nzyolomba.
6 Lino ndazyiba ncobeni kuti Jehova ulamufwutula munanike wakwe.+
Ulamuvwiila kuzwa kumajulu aakwe aasalalaAkumupa lufwutuko lupati* kwiinda mujanza lyakwe lyalulyo.+
7 Bamwi basyoma nkalaki, ibambi basyoma mabbiza,+Pele swebo twiita zina lya Jehova Leza wesu.+
8 Bantu aabo banetuka akuwa,Pele swebo twanyamuka akubukulusyigwa.+
9 O Jehova, komuvwuna mwami!+
Uyootuvwiila mubuzuba mbotuyoomwiita kuti atugwasye.+
Bupanduluzi buyungizyidwe
^ Mu Chihebrayo, “aacibone kuti cilaamafwuta.”
^ Naa “mizeezo.”
^ Naa “kuzunda kapati.”
