Intembauzyo 25:1-22
Intembauzyo ya Davida.
א [Aleph]
25 O Jehova, ndilapaila kulinduwe camoyo woonse.
ב [Behth]
2 O Leza wangu, nduwe ngondisyoma;+Utandilekeli kuti ndifwe nsoni pe.+
Utalekeli basinkondoma kuti basekelele akaambo kamapenzi aangu.+
ג [Gimel]
3 Masimpe kunyina muntu akati kabaabo bakusyoma uuyakuusyigwa nsoni,+Pele aabo bacita cabucenjezu kakunyina kaambo mbabayakuusyigwa nsoni.+
ד [Daleth]
4 Kondipa kuzyiba nzila zyako, O Jehova;+Kondiyiisya nzila zyako.+
ה [He]
5 Kondipa kweenda mukasimpe kako alimwi kondiyiisya,+Nkaambo ndonduwe Leza walufwutuko lwangu.
ו [Waw]
Nduwe ngondisyoma buzuba boonse.
ז [Zayin]
6 O Jehova, koyeeya luse lwako aluyando lwako lutamani,+Oolo ndoolikutondezya lyoonse.*+
ח [Heth]
7 Utayeeyi zibi nzyondakacita kubwana alimwi ansotoko zyangu.
Kondiyeeya kweelana aluyando lwako lutamani,+Akaambo kabubotu bwako, O Jehova.+
ט [Teth]
8 Jehova mubotu alimwi uliluleme.+
Nkakaambo kaako uyiisya basizibi nzila mbotu yabuumi.+
י [Yod]
9 Uyoosololela babombe myoyo muzintu ziluleme,*+Alimwi uyooyiisya babombe myoyo nzila yakwe.+
כ [Kaph]
10 Inzila zya Jehova zyoonse nzyaluyando lutamani alimwi nzyamasimpeKuli baabo babamba cizuminano+ cakwe aziyeekezyo zyakwe.+
ל [Lamed]
11 Akaambo kazina lyako, O Jehova,+Kondilekelela mulandu wangu, nokuba kuti mupati.
מ [Mem]
12 Ino nguni muntu uuyoowa Jehova?+
Nguyooyo ngwayooyiisya nzila njayelede kutola.+
נ [Nun]
13 Muntu ooyo uyookkala kabotu,+Alimwi lunyungu lwakwe luyookona nyika.+
ס [Samekh]
14 Ibalaacilongwe cini-cini a Jehova mbabaabo bamuyoowa,+Alimwi ubapa kuzyiba cizuminano cakwe.+
ע [Ayin]
15 Meso aangu alangide kuli Jehova lyoonse,+Nkaambo uyoozambulula maulu aangu mulunsabwe.+
פ [Pe]
16 Kondicebuka akundifwida luzyalo,Nkaambo ndili endikke alimwi ndinyina mugwasyi.
צ [Tsade]
17 Mause aali mumoyo wangu avwulisya;+Kondigusya mumapenzi aangu.
ר [Resh]
18 Kolanga mapenzi amakatazyo aangu,+Alimwi kondijatila zibi zyangu zyoonse.+
19 Kolanga mbobavwula basinkondomaAmbobandisulide citaambiki.
ש [Shin]
20 Kolinda buumi bwangu alimwi kondivwuna.+
Utandilekeli kuti ndifwe nsoni, nkaambo ndayuba mulinduwe.
ת [Taw]
21 Bululami akubula kampenda azindikwabilile,+Nkaambo mebo ndisyoma nduwe.+
22 O Leza, komuvwuna* Israyeli mumapenzi aakwe oonse.
Bupanduluzi buyungizyidwe
^ Naa “Oolo ilwaliko kuzwa kuziindi zyakale-kale.”
^ Mu Chihebrayo, “mulubeta.”
^ Mu Chihebrayo, “komunununa.”
