Intembauzyo 31:1-24
Kumweendelezi wanyimbo. Lwiimbo lwa Davida.
31 O Jehova, mebo ndayuba mulinduwe.+
Akaka nditausyigwi nsoni pe.+
Kondivwuna akaambo kabululami bwako.+
2 Kocenjeka kutwi kwako* kulindime.
Koboola cakufwambaana undivwune.+
Kondibeda mampangala aamucilundu,Busena bukwabilidwe bwakundifwutwida.+
3 Nkaambo uli ndomba yangu amampangala aangu;+Ulandeenzya akundisololela+ akaambo kazina lyako.+
4 Ulandigusya mulunsabwe ndobanditeya,+Nkaambo yebo uli mayubilo aangu mayumu.+
5 Ndabikka muuya wangu mumaanza aako.+
Wandinununa, O Jehova, Leza wakasimpe.*+
6 Ndilibasulide aabo balemeka mituni yabuyo, iitakwe mulimo,Pele mebo, ndisyoma Jehova.
7 Ndilakondwa kapati muluyando lwako lutamani,Nkaambo wakubona kupenga kwangu;+Waazyiba mapenzi aangu mapati.*
8 Tonoondaaba mujanza lyasinkondoma,Pele wandiimika mubusena bukwabilidwe.*
9 Kondifwida luzyalo, O Jehova, nkaambo ndili mumapenzi.
Kuusa kwapa kuti meso aangu abule nguzu,+ kubikkilizya amubili wangu woonse.+
10 Buumi bwangu bwamana akaambo kabuumba+Ayalo myaka yangu akaambo kakutongela.+
Nguzu zyangu zyamana akaambo kacibi cangu;Ndagonkelwa mumafwuwa.+
11 Basinkondoma boonse balandisampaula,+Ikapati basimukoboma.
Alimwi ndaba cintu ciyoosya kapati kubeenzuma;Nebandibona mubuleya, balanditija.+
12 Tandiciyeeyegwi mumyoyo* yabo alimwi ndalubwa, mbuli kuti ndilifwide;Ndaba mbuli nongo ipwaikide.
13 Ndamvwa mamvwaamvwa mabi manji;Koonse-koonse ndizingulukidwe zintu ziyoosya.+
Nibalibunga-bunga antoomwe kuti bandilwane,Bakanza kundijaya.+
14 Pele mebo ndisyoma nduwe, O Jehova.+
Ndaamba kuti: “Nduwe Leza wangu.”+
15 Mazuba* aabuumi bwangu ali mujanza lyako.
Kondivwuna kujanza lyabasinkondoma akuli baabo bandipenzya.+
16 Komumunika mubelesi wako abusyu bwako.+
Kondifwutula muluyando lwako lutamani.
17 O Jehova, nditausyigwi nsoni pe nendikwiita.+
Ibabi abausyigwe nsoni;+Abaumune wi mu Cuumbwe.*+
18 Milomo yaamba zyakubeja ayuumune wi,+Milomo yaambaula cakulimvwa kubaluleme, cakulisumpula acakusampaula.
19 Eelo kaka tabulivwulili bubotu bwako!+
Wabuyobweda baabo bakuyoowa,+Alimwi wabutondezya kumbele lyabantu boonse, kuti ugwasye baabo bayubila mulinduwe.+
20 Yebo uyoobasisa mubusena busisikide buli kumbele lyako+Kuti ubavwune kumakanze aabantu mabi;Uyoobasisa mubusena bwako bwakuyusilaKuti ubavwune kubantu baamba zintu zibi zicisizya moyo.*+
21 Aatembaulwe Jehova,Nkaambo munzila iigambya wanditondezya luyando lwakwe lutamani+ mumunzi uusinkilidwe.+
22 Lino mebo, ndakakopana akwaamba kuti:
“Masimpe ndilajaigwa kumbele lyako.”+
Pele yebo wakakumvwa kukombelezya kwangu nendakakukwiilila kuti undigwasye.+
23 Amumuyande kapati Jehova, nywebo nyoonse nomusyomeka kulinguwe!+
Jehova ulabakwabilila bantu basyomeka,+Pele muntu uuli woonse uulisumpula ulamusubula citaambiki.+
24 Amube basicamba, alimwi myoyo yanu aibe anguzu,+Nywebo nyoonse nomulindila Jehova.+
Bupanduluzi buyungizyidwe
^ Naa “Kosintama uswiilile.”
^ Naa “Leza uusyomeka.”
^ Naa “mapenzi aali mumoyo wangu.”
^ Naa “mubusena bukwakwabukide.”
^ Naa “mumizeezo.”
^ Mu Chihebrayo, “Ziindi.”
^ Naa “Cikkalilo Cabafwu.” Amubone Bupanduluzi Bwamabala.
^ Mu Chihebrayo, “Kuzwa kukubwesyanya kwamilaka.”
