Intembauzyo 44:1-26
Kumweendelezi wanyimbo. Intembauzyo yabana ba Kora.+ Masikili.*
44 O Leza, twalimvwida amatwi eesu,Bamataateesu batulwiida,+Zintu nzyookacita mumazuba aabo,Mumazuba aakaindi.
2 Yebo wakatanda masi ajanza lyako+Mpoonya mubusena oobo wakakkazika bamataateesu.+
Wakazunda akutanda masi.+
3 Talili panga lyabo beni ilyakabapa kukona nyika,+Alimwi takuli kuboko kwabo beni kwakabapa kuzunda.*+
Pele ndijanza lyako lyalulyo akuboko kwako+ alimwi amumuni wabusyu bwako,Nkaambo wakabakkomanina.+
4 Yebo uli Mwami wangu, O Leza;+Kolailila* kuti Jakobo azunde cakumaninina.
5 Munguzu zyako tuyoobatonta basinkondoma;+Muzina lyako tuyoobalyatauka aabo ibatubukila.+
6 Nkaambo tandisyomi buta bwanguAlimwi panga lyangu talikonzyi kundifwutula.+
7 Nduwe wakatufwutula kuli basinkondoma,+Nduwe ookapa kuti basampuke aabo ibatusulide.
8 Buzuba boonse tunootembaula Leza,Alimwi tunoolumba zina lyako lyoonse mane kukabe kutamani. (Sela)
9 Pele lino watusowa alimwi wapa kuti nsoni zitujaye,Alimwi tocuunki ampi zyabasikalumamba besu.
10 Wazumanana kupa kuti tutije kuzwa kuli basinkondoma;+Aabo ibatusulide balabweza kufwumbwa ncobayanda.
11 Watwaaba kuti tuligwe mbuli mbelele;Watumwaya akati kamasi.+
12 Usambala bantu bako amuulo musyoonto kapati;+Tojani mpindu mukubasambala.*
13 Watupa kuba cintu cisampukide kuli basimukoboma,Cisesemyo alimwi cintu ciweelwa abaabo boonse batuzingulukide.
14 Watupa kuba bantu bafwubaazyigwa* akati kamasi,+Cintu cipa misyobo yabantu kupukunya mitwe.
15 Insoni zyandijaya buzuba boonse,Alimwi bweemya bulindijisi citaambiki,
16 Akaambo kamajwi aabaabo basampaula akutukila,Akaambo kasinkondoma ooyo uupilusya cibi.
17 Zyoonse eezyi zyatucitikila, pele swebo tiitwakuluba pe,Alimwi tiitwajaya cizuminano cako.+
18 Myoyo yesu tiiyaleya pe;Aalo maulu eesu tanaazwa munzila yako.
19 Pele yebo watupwayaula mubusena bukkala bamwaaba;Watuvwumba mudima uusiya mbi.
20 Ikuti naa twaluba zina lya Leza wesuNokuba kutambika maanza eesu akupaila kuli leza mweenzu,
21 Sena Leza takaazyibi makani aaya?
Walo ulaazyi maseseke aali mumoyo.+
22 Akaambo kanduwe tuli muntenda yakujaigwa buzuba boonse;Tubonwa mbuli mbelele ziyakukujaigwa.+
23 Buka. Ino nkaambo nzi ncozumanana koona, O Jehova?+
Sinsimuka! Utazumanani kutusowa mane kukabe kutamani.+
24 Ino nkaambo nzi ncosisa busyu bwako?
Nkaambo nzi ncoluba mbotupenzyegwa ambotudyaamininwa?
25 Nkaambo swebo twausyilwa ansi mulusuko;Mibili yesu yasimininwa ansi.+
26 Nyamuka utugwasye!+
Kotuvwuna* akaambo kaluyando lwako lutamani.+
Bupanduluzi buyungizyidwe
^ Amubone Bupanduluzi Bwamabala.
^ Naa “kufwutuka.”
^ Naa “Kopa.”
^ Naa “Tojani mpindu kumuulo wabo.”
^ Mu Chihebrayo, “ibaambwa mukasimpi.”
^ Mu Chihebrayo, “Kotunununa.”
