Intembauzyo 47:1-9
Kumweendelezi wanyimbo. Intembauzyo yabana ba Kora.+ Lwiimbo.
47 Nobantu nyoonse, amukambe maanza aanu.
Amoongololele Leza cakuzunda amajwi aakusekelela.
2 Nkaambo Jehova, Mupatikampatila, ulayoosya;+Ngo Mwami mupati wanyika yoonse.+
3 Ulabombya bantu kulindiswe;Ulabikka misyobo yabantu kunsi aamaulu eesu.+
4 Ulatusalila lukono lwesu,+Bulemu bwa Jakobo, ooyo ngwayanda.+ (Sela)
5 Leza watanta kubusena bwakwe ibantu kaboongolola calukkomano;Jehova watanta kumwi bantu kabalizya mweembo.*
6 Amwiimbe nyimbo zyakutembaula Leza, amwiimbe ntembauzyo.
Amwiimbe nyimbo zyakutembaula Mwami wesu, amwiimbe ntembauzyo.
7 Nkaambo Leza ngo Mwami wanyika yoonse;+Amwiimbe nyimbo zyakumutembaula, alimwi amutondezye bupampu.
8 Leza waba Mwami wamasi.+
Leza ulikkede acuuno cakwe cabwami cisalala.
9 Basololi babantu baswaangana antoomweAbantu ba Leza wa Abrahamu.
Nkaambo baleli* bamunyika mbabakwe Leza.
Walo ulisumpukide kapati.+
