Intembauzyo 51:1-19
Kumweendelezi wanyimbo. Lwiimbo lwa Davida, ciindi Musinsimi Natani naakamuboolela eelyo Davida naakoonana a Bati-seba.+
51 Kondifwida luzyalo, O Leza, kweelana aluyando lwako lutamani.+
Kozimaanya zinyonyoono zyangu kweelana aluse lwako lupati.+
2 Kondisanzya cakulomya kumulandu wangu,+Alimwi kondisalazya kucibi cangu.+
3 Nkaambo ndilizizyi kabotu zinyonyoono zyangu,Alimwi cibi cangu cili kumbele lyangu lyoonse.*+
4 Yebo lwako—nduwe ngondabisyila kapati*—kwiinda boonse;+Ndacita cintu cibi mumeso aako.+
Aboobo, yebo uliluleme noambaula,Yebo uliluzi mulubeta lwako.+
5 Bona! Ndakazyalwa kandijisi mulandu,Alimwi baama bakandimita mucibi.*+
6 Bona! Yebo ulakakkomanina kasimpe kali mumoyo wamuntu;+Koyiisya moyo wangu* busongo bwini-bwini.
7 Kondisalazya kucibi ahisopo kutegwa ndisalale;+Kondisanzya kutegwa nditube buu kwiinda caanda.+
8 Kondipa kumvwa jwi lyakusekelela akukondwa,Kutegwa mafwuwa ngookapwayaula akondwe.+
9 Utalanzyi busyu bwako* kuzibi zyangu,+Alimwi kozimaanya* milandu yangu yoonse.+
10 Kondipa kuba amoyo uusalala, O Leza,+Alimwi kobikka muuya mupya,+ uukkalikene mulindime.
11 Utandisowi kuzwa kubusyu bwako;Alimwi utandinyangi muuya wako uusalala.
12 Kopa kuti ndisekelele alimwi akaambo kalufwutuko lwako;+Kondigwasya kuba amoyo uulisungwide kukumvwida.*
13 Ndiyooyiisya basizinyonyoono nzila zyako,+Kutegwa basizibi bajokele kulinduwe.
14 Kondifwutula kumulandu wabulowa,+ O Leza, Leza walufwutuko lwangu,+Kutegwa mulaka wangu waambilizye bululami bwako cakukondwa.+
15 O Jehova, kojalula milomo yangu,Kutegwa mulomo wangu ukonzye kwaambilizya ntembauzyo zyako.+
16 Nkaambo yebo toyandi cipaizyo—buyo-buyo nendakupa;+Tobotelwi acituuzyo cuumpwa buumbulu.+
17 Zipaizyo zimukkomanisya Leza muuya uuside;Moyo uuside alimwi uutyompedwe, O Leza, tokaukaki* pe.+
18 Mububotu bwako komucitila kabotu Ziyoni;Koyaka malambo aa Jerusalemu.
19 Aboobo uyookkomanina zipaizyo zyabululami,Izipaizyo zyuumpwa alimwi azituuzyo zyuumbulu;Mpoonya bapoho bayootuulwa acipaililo cako.+
Bupanduluzi buyungizyidwe
^ Naa “ndilaciyeeya ciindi coonse.”
^ Mu Chihebrayo, “nduwe olikke ngondabisyila kapati.”
^ Naa “Ndili sizibi kuzwa ciindi baama nobakandimita.”
^ Naa “buntu bwangu bwamukati.”
^ Naa “Kosisa busyu bwako.”
^ Naa “komwaya.”
^ Mu Chihebrayo, “Kondigwasya amuuya wakulisungula.”
^ Naa “tokausampauli.”
