Intembauzyo 72:1-20
Intembauzyo yaamba zya Solomoni.
72 O Leza, komupa mbeta zyako mwami,Alimwi mwana wamwami komupa bululami bwako.+
2 Aabeteke twaambo twabantu bako cabululami,Akubabetekela bweelede bantu bako bapengede.+
3 Zilundu azilete luumuno kubantu,Atwalo tulundu atulete bululami.
4 Aabaiminine* bapengede akati kabantu,Aabafwutule bana babacete,Alimwi aamupwayaule sikuunina bamwi.+
5 Banookuyoowa kufwumbwa kuti zuba kalilikoAlimwi kufwumbwa kuti mwezi kauliko,Kuzyalani azyalani.+
6 Mwami uyooba mbuli mvwula iiwida azisiko zyabwizu bwakaceswa,Mbuli mvwula yamiyoba iitesya nyika.+
7 Mumazuba aakwe balulami bayoozwidilila,*+Alwalo luumuno luyoovwula+ kusikila mane mwezi utakabi limbi.
8 Uyooba abalelwa* kuzwa kulwizi lumwi kusikila kulwizi lumbiAkuzwa ku Mulonga* kusikila kumagolelo aanyika.+
9 Aabo bakkala mucimpayuma bayoomukotamina,Alimwi basinkondonyina bayoolya bulongo.+
10 Bami baku Tarisi abakunsumbu bayoopa mutelo.+
Bami baku Sheba abaku Seba bayooleta zipego.+
11 Bami boonse bayoomukotamina,Alimwi masi oonse buyo ayoomubelekela.
12 Nkaambo uyoovwuna mucete uukwiilila lugwasyo,Uupengede alimwi amuntu uuli woonse uutajisi mugwasyi.
13 Muntu uupengede alimwi amucete uyoobafwida lubomba,Alimwi uyoofwutula buumi bwabacete.
14 Uyoobavwuna* kukudyaamininwa akunkondo,Alimwi bulowa bwabo bunooli buyandisi mumeso aakwe.
15 Aapone akupegwa ngolida iizwa ku Sheba.+
Aapaililwe ciindi coonse,Alimwi aalelekwe buzuba boonse.
16 Kuyooba maila manji anyika;+Atala lyamalundu ayoovwula citaambiki.
Micelo yakwe iyoovwula mbuli yaku Lebano,+Alimwi muminzi bantu bayoosyuuka mbuli zimena ansi.+
17 Izina lyakwe likkalilile lyoonse mane kukabe kutamani,+Alimwi alizumanane kuba ampuwo kufwumbwa kuti zuba kaliliko.
Bantu abalelekwe kwiinda mulinguwe;+Masi oonse aamwaambe kuti ulikkomene.
18 Aatembaulwe Jehova Leza, Leza wa Israyeli,+Ooyo alikke uucita zintu zigambya.+
19 Alitembaulwe zina lyakwe lilemekwa lyoonse mane kukabe kutamani,+Alimwi nyika yoonse aizule bulemu bwakwe.+
Ameni! Ameni!
20 Aawa mpoimanina mipailo ya Davida, mwana wa Jese.+
Bupanduluzi buyungizyidwe
^ Mu Chihebrayo, “Aababeteke.”
^ Mu Chihebrayo, “bayoosyuuka.”
^ Naa “Uyoolela.”
^ Nkokuti, Mulonga wa Firate.
^ Naa “Uyoonununa buumi bwabo.”
