Intembauzyo 8:1-9
Kumweendelezi wanyimbo; lwiimbwe kubelesya Gititi.* Lwiimbo lwa Davida.
8 O Jehova, O Mwami wesu, eelo kaka zina lyako ndipati munyika yoonse;Yebo wabikka bulemu bwako nokuba kujulu lyamajulu!*+
2 Kumilomo yabana baniini abavwanda+ watondezya nguzuAkaambo kabaabo bakulwana,Kutegwa wuumuzye sinkondo ayooyo uupilusya cibi.
3 Nendibona majulu aako, imilimo yaminwe yako,Imwezi anyenyeezi nzyookabamba,+
4 Ino muntu ninzi ooyo ngobikkila maano,Amwanaamuntu ooyo ngolanganya?+
5 Wakamucesya aniini kwiinda baabo bali mbuli Leza,*Mpoonya wakamusamika musini wabulemu abweebesi.
6 Wakamupa kweendelezya milimo yamaanza aako;+Zyoonse wazibikka kunsi aamaulu aakwe:
7 Matanga oonse aambelele ampongo alimwi aŋombe,Kubikkilizya abanyama bamusyokwe,+
8 Ibayuni bauluka mujulu answi zyamulwizi,Kufwumbwa ceendeenda mulwizi.
9 O Jehova, O Mwami wesu, eelo kaka zina lyako ndipati munyika yoonse!
Bupanduluzi buyungizyidwe
^ Amubone Bupanduluzi Bwamabala.
^ Naa ambweni, “Yebo ulaabulemu butembaulwa kwiinda majulu!”
^ Naa “kwiinda bangelo.”
