Intembauzyo 92:1-15
Intembauzyo. Lwiimbo lwabuzuba bwa Sabata.
92 Ncibotu kukulumba, O Jehova+Akwiimba nyimbo zyakutembaula zina lyako, O Mupatikampatila,
2 Ikwaambilizya luyando lwako lutamani+ mafwumofwumoAlimwi akwaambilizya kusyomeka kwako masiku,
3 Ikucita boobo acakwiimbya cantambo zili kkumi alimwi akabbanjo,Akwiinda munyimbo zililisya ziimbwa akantimbwa.+
4 Wapa kuti ndikondwe, O Jehova, akaambo kazintu nzyoocita;Akaambo kamilimo yamaanza aako ndiloongolola cakukondwa.
5 Eelo kaka milimo yako mipati, O Jehova!+
Mizeezo yako tayeeli pe!+
6 Kunyina muntu uutayeeyi kabotu uukonzya kwiizyiba;Alimwi kunyina mufwubafwuba uukonzya kumvwisya makani aaya aakuti:+
7 Ibabi baakumena mbuli nsaku*Alimwi basimucita zibi boonse baakuvwulisya,Eeci ciyoocitika kutegwa bakanyonyoonwe kukabe kutamani.+
8 Pele yebo O Jehova ulisumpukide lyoonse mane kukabe kutamani.
9 Ncobeni, kolanga mbobazundwa basinkondonyoko, O Jehova,Bona mbobayooloba basinkondonyoko;Basimucita zibi boonse bayoomwaigwa.+
10 Pele yebo uyoondipa kuba anguzu zinji* mbuli zyamupoho wamusyokwe;Ndilanana mafwuta mabotu aakatalusya kutegwa lukanda lwangu luteteete.+
11 Meso aangu ayoobona mbobazundwa basinkondoma;+Matwi aangu ayoomvwa mbobayakuwa bantu babi aabo bandilwana.
12 Pele balulami bayoosyuuka mbuli kakunkaAlimwi bayookomena mbuli cisamu cakkedari ku Lebano.+
13 Balisimpidwe muŋanda ya Jehova;Balasyuuka mumabuwa aa Leza wesu.+
14 Nokuba kubucembele* bayoozumanana kuzyala micelo;+Banoojisi nguzu* akufwefwema lyoonse,+
15 Banakwaambilizya kuti Jehova uliluleme.
Walo ni Ndomba yangu,+ mulinguwe taakwe kutalulama pe.
Bupanduluzi buyungizyidwe
^ Naa “bwizu.”
^ Mu Chihebrayo, “uyoosumpula lwija lwangu.”
^ Naa “kuciindi cakutuba mvwi.”
^ Mu Chihebrayo, “Banooneneede.”
