Intembauzyo 95:1-11
95 Amuboole toongolole cakukondwa kuli Jehova!
Atoongolole ku Ndomba yesu yalufwutuko akaambo kakuzunda.+
2 Atusike kumbele lyakwe* akumulumba;+Atumwiimbile, toongolole akaambo kakuzunda.
3 Nkaambo Jehova ngu Leza mupati,Mwami mupati kwiinda baleza boonse.+
4 Masena aali kunsi kwini kwanyika ali mujanza lyakwe;Nsonje zyamalundu nzizyakwe.+
5 Ngomukamwini lwizi, oolo ndwaakapanga mwini,+Alimwi maanza aakwe ngaakalenga nyika njumu.+
6 Amuboole, tukombe akukotama ansi;Atufwugame kumbele lya Jehova Mubumbi wesu.+
7 Nkaambo ngo Leza wesu,Alimwi swebo tuli bantu bamumacelelo aakwe,Imbelele nzyalanganya.*+
Sunu ikuti nywebo muswiilile jwi lyakwe,+
8 Mutayumyi myoyo yanu pe mbuli mbobakacita ku Meriba,*+Mbuli buzuba obuya ku Masa* munkanda,+
9 Eelyo bamauso nobakandisunka;+Bakandikazya, nokuba kuti bakabona milimo yangu.+
10 Kwamyaka iili 40 ndakasesemwa azyalani eelyo, aboobo ndakati:“Mbantu baleyauka mumoyo ciindi coonse;Tabanazizyiba pe nzila zyangu.”
11 Aboobo kandinyemede ndakakonka ndilaamba:
“Tabakanjili pe mukulyookezya kwangu.”+
Bupanduluzi buyungizyidwe
^ Mu Chihebrayo, “kubusyu bwakwe.”
^ Mu Chihebrayo, “zyakujanza lyakwe.”
^ Nkokwaamba kuti “Kubwesyanya.”
^ Nkokwaamba kuti “Kusola; Kusunka.”
