Isaya 11:1-16
11 Mutabi+ uyoosyuuka kucisiko ca Jese,+Alimwi cisyuukila+ cizwa kumiyanda yakwe ciyoozyala micelo.
2 Muuya wa Jehova uyookkala alinguwe,+Imuuya wabusongo+ awamaano,Muuya walulayo awanguzu,+Muuya waluzyibo awakuyoowa Jehova.
3 Unookkomanina kuyoowa Jehova.+
Takabeteki kweelana azintu nzyaabona buyo ameso aakwe,Nokuba kusinsa kweelana azintu nzyaamvwa buyo amatwi aakwe.+
4 Bantu bapengede uyoobabeteka cakutasalulula,*Alimwi uyoosinsa bantu cabululami kuti agwasye babombe myoyo bamunyika.
Uyakuuma nyika ankoli yakumulomo wakwe+Akujaya babi amuya* uuzwa kumilomo yakwe.+
5 Bululami buyooba lutambo ndwalyaanga mucibuno,Alimwi kusyomeka kuyooba lutambo ndwalyaanga munkanya.+
6 Umpe uyookkala kwakaindi-indi akana kambelele,+Kana kampongo kayoolala antoomwe asiluwe,Koombe, syuumbwa* alimwi amunyama uuneneede bayooba antoomwe;*+Alimwi mwana musyoonto uyoobeembela boonse.
7 Iŋombe mpwizi amunyama wabutambo uutegwa bbeya bayoolida antoomwe,Bana babo bayoolala antoomwe.
Syuumbwa uyoolya bwizu mbubonya mbuli ŋombe.+
8 Mwana uucinyonka uyoosobanina abwina bwankombola,Awalo mulesi uyoobikka janza lyakwe abwina bwanzoka nkali.
9 Tabakaciti cintu cili coonse cibi+Naa kunyonyoona mucilundu cangu cisalala coonse,+Nkaambo masimpe nyika iyoozula luzyibo lwa JehovaMbubonya maanzi mbwaazuzya lwizi.+
10 Mubuzuba oobo muyanda wa Jese+ uyakwiimikila mbuli cikwankwani* kumisyobo yabantu.+
Bantu bamasi bayoosandukila kulinguwe kuti abasololele,*+Alimwi busena bwakwe bwakulyookezyela buyooba abulemu.
11 Mubuzuba oobo Jehova uyootambika janza lyakwe lweendo lwabili, kuti aliyobolwede basyeede akati kabantu bakwe aabo ibayoosyaala kuzwa ku Asuri+ aku Egepita+ aku Patirosi+ aku Kusi+ aku Elamu+ aku Sinara* aku Hamati alimwi akuzwa kunsumbu zyakulwizi.+
12 Uyakwiimika cikwankwani* kumasi akubunganya bantu bamwaikide ba Israyeli,+ abalo bantu bapalangene ba Juda uyoobabunganya kuzwa kuzyooko zyoonse zyone zyanyika.+
13 Munyono wa Efraimu uyoomana,+Alimwi aabo basulaikide Juda bayoonyonyoonwa.
Efraimu takafwidi Juda munyono,Awalo Juda takasulaiki Efraimu pe.+
14 Bayoovwuumukila mingenyu* yaba Filisiti kumbo;Caantoomwe bayoosaala bantu bakkala Kujwe.
Bayootandabika maanza aabo kulwana* Edomu+ a Moabu,+Alimwi bana Amoni bayooba balelwa babo.+
15 Jehova uyakwaandaanya* kankolola* kalwizi lwa Egepita+Akuvwukaula janza lyakwe ku Mulonga.*+
Amuya* wakwe uupya kapati uyakuuma mulonga ooyu mutulonga twanguwo tuli ciloba,Alimwi uyoopa kuti bantu bazabuke amaulu kabasamide mpato.
16 Alimwi kuyooba mugwagwa+ mupati kuzwa ku Asuri ngobayakwiinda basyeede akati kabantu bakwe aabo bayoocaala,+Mbubonya mbokwakali mugwagwa imwakainda Israyeli ibuzuba naakazwa mucisi ca Egepita.
Bupanduluzi buyungizyidwe
^ Naa “amuuya.”
^ Naa “cabululami.”
^ Naa “syuumbwa uucili mwana-mwana.”
^ Naa ambweni, “Koombe asyuumbwa bayoocelela antoomwe.”
^ Naa “Bantu bamasi bayoomuyandaula.”
^ Naa “citondezyo.”
^ Nkokuti, Babuloni.
^ Naa “citondezyo.”
^ Mu Chihebrayo, “gwezyo.”
^ Naa “Bayoobelesya nguzu zyabo kuli.”
^ Naa ambweni, “uyakuyuminizya.”
^ Mu Chihebrayo, “mulaka.”
^ Nkokuti, Mulonga wa Firate.
^ Naa “Amuuya.”
