Jobu 7:1-21
7 “Sena anyika buumi bwamuntu tabuli mbuli milimo iiminya,
Alimwi sena mazuba aamuntu taali buyo mbuli mazuba aamubelesi uubbadelwa?+
2 Mbubonya mbuli muzike, ulayandisya kujana cimvwule,Alimwi mbuli mubelesi uubbadelwa, ulangila kuvwola.+
3 Aboobo andime ndaabilwa myezi iitakwe mpinduAlimwi ndapegwa masiku aazwide mapenzi.+
4 Ciindi nendilede ndibuzya kuti, ‘Ino ndilabuka lili?’+
Pele busiku nebulampa, inga ndiile kusandauka mane bwaca.*
5 Mubili wangu woonse uzwide mvwunyu abulongo bunamatilide;+Lukanda lwangu luzwide mabbabbani amasina.+
6 Mazuba aangu aleenda cakufwambaana kwiinda nyeleti yasikuluka,+Alimwi aile kumana kakunyina bulangizi.+
7 O Leza, koyeeya kuti buumi bwangu muwo buyo,+Kuti liso lyangu talikaluboni kabili lukkomano.*
8 Liso lindibwene lino talikandiboni kabili pe;Meso aako ayoondiyandaula, pele tandikabiko.+
9 Mbubonya mbuli kkumbi limwaika akuzimaana,Awalo ooyo uunka mu Cuumbwe* tajoki pe.+
10 Takajokeli limbi kuŋanda yakwe,Bantu bakubusena bwakwe tabakamuyeeyi limbi.+
11 Aboobo, tandikoofwida mumoyo pe.
Ndilaamba kandipengede mumizeezo;Ndilatongooka moyo kuucisa!+
12 Sena ndili lwizi naa cilenge camulwizi,Cakuti undibikkila mulindizi?
13 Ciindi nindaamba kuti, ‘Bulo bwangu bulanduumbulizya;Bulo bwangu bulandigwasya kucesya mapenzi aangu,’
14 Yebo ulandiyoosya azilotoAkunditilimuna azilengaano,
15 Cakuti ndisala kusinwa kuti ndifwe,Inzya, ndisala lufwu muciindi camubili wangu ooyu uufwulukide.*+
16 Buumi bwandicima;+ tandiyandi kuzumanana kupona.
Kondileka, mbokunga mazuba aangu ali buyo mbuli muya.+
17 Ino muntu nguni kuti komuyeeya kapatiAkuti komubikkila maano?*+
18 Nkaambo nzi ncomulingula lyoonse mafwumofwumoAkumusunka ciindi coonse?+
19 Sena tokooleka kundilangisyaAkundileka buyo endikke kwaciindi cikubwene kutegwa ndiswe ciya?+
20 Ikuti naa ndabisya, ino inga ndakupenzya buti, yebo Sikulanga bantu boonse?+
Nkaambo nzi ncondibikkide kuba mbaakani yako?
Sena ndakubeda mukuli uuminya?
21 Nkaambo nzi ncotandijatili mulandu wanguAkundilekelela cinyonyoono cangu?
Nkaambo ino-ino buyo ndiloona mubulongo,+Aboobo yebo uyoondiyandaula, pele tandikabiko.”
Bupanduluzi buyungizyidwe
^ Naa “mane kubucedo.”
^ Mu Chihebrayo, “talikabuboni kabili bubotu.”
^ Naa “Cikkalilo Cabafwu.” Amubone Bupanduluzi Bwamabala.
^ Mu Chihebrayo, “muciindi camafwuwa aangu.”
^ Mu Chihebrayo, “kobikka moyo wako kulinguwe.”
