Jona 2:1-10
2 Mpoonya Jona wakapaila kuli Jehova Leza wakwe kali mwida lyamuswi,+
2 wakati:
“Nondakali mumapenzi ndakakwiilila Jehova, eelyo wakandivwiila.+
Nondakali mukati mwini* mu Cuumbwe* ndakakwiilila lugwasyo.+
Yebo wakalimvwa jwi lyangu.
3 Nookandiwaalila mumpisi, mukati kalwizi,Maanzi aakunka canguzu akandizinguluka.+
Mayuwe aako oonse mapati alimwi aalaanguzu akainda atala lyangu.+
4 Mpoonya ndakaamba kuti, ‘Wanditanda kumbele lyako!
Sena kuli nendiyoolibona limbi tempele lyako lisalala?’
5 Ndakabbila mumaanzi, eelyo buumi bwangu bwakali muntenda;+Mpisi yakalindizingulukide.
Bwizu bwamulwizi bwakandizambaila kumutwe.
6 Ndakaselemukila kunsi kwini kwamalundu.
Nyika yakalindijalilide lyoonse ampingizyo zyanjiyo.
Nokuba boobo, yebo O Jehova Leza wangu+ wakandigwisya mucilindi kandili muumi.
7 Nindakali afwaafwi kufwa, ndakamuyeeya Jehova.+
Aboobo mupailo wangu wakasika kulinduwe, mutempele lyako lisalala.+
8 Aabo bakomba mituni yabuyo, basiya kasensa kabo kaluyando lutamani.*
9 Pele mebo, ndiyookutuulila cipaizyo ajwi lyakulumba.
Eeco ncondakonka, ndiyoocicita.+
Lufwutuko luzwa kuli Jehova.”+
10 Kumane Jehova wakalailila muswi ooyo, eelyo muswi ooyo wakamuluka Jona anyika njumu.
Bupanduluzi buyungizyidwe
^ Mu Chihebrayo, “mwida.”
^ Naa “Cikkalilo Cabafwu.” Amubone Bupanduluzi Bwamabala.
^ Naa ambweni, “baleka kusyomeka.”
