Lwiimbo Lwa Solomoni 6:1-13
6 “Yebo omubotu kwiinda bamakaintu boonse,Ino waya kuli muyandwa wako?
Ino watozya kuli muyandwa wako?
Leka tukugwasye kumuyandaula.”
2 “Muyandwa wangu waselemukila kumuunda wakwe,Kumibundu yazisyango zinunkilila,Kukweembela mumyuundaAkuyoocela mpana.+
3 Mebo ndili wakwe muyandwa wangu,Awalo muyandwa wangu nguwangu.+
Walo uleembela akati kampana.”+
4 “Uli mubotu mbuli Tiriza,*+ omuyandwa wangu,+Uli mubotu mbuli Jerusalemu,+Ulakondelezya kapati mbuli makamu aabasikalumamba bazingulukide ndembela zyabo.+
5 Koleka kundilanga,+Nkaambo meso aako andizwisya moyo.
Masusu aako ali mbuli butanga bwampongoZiselemuka kumingenyu yaku Gileadi.+
6 Meno aako ali mbuli butanga bwambeleleIzyazwa aakusanzyigwa,Zyoonse buyo zizyala maanga,Alimwi akati kanzizyo kunyina iisowa bana banjiyo.
7 Mbuli cipaanzi camucelo wapomegraniteMbwaabede masaya aako mucitambala cako.
8 Kulakonzya kuba banamalelo bali 60 Abamwanakasuwa bali 80 Alimwi abasimbi batakonzyi kubalwa.+
9 Pele kuli buyo omwe ooyo uuli nenziba yangu,+ ooyo ookwangu uutakwe kampenda.
Kuli buyo omwe ooyo uuli alikke kuli banyina.
Walo ngobayanda* kapati banyina bakamuzyala.
Bana basimbi nobamubona, balamulumbaizya;Banamalelo abamwanakasuwa abalo balamutembaula kabati.
10 ‘Ino nguni ooyu uumweka* mbuli bucedo,Mubotu mbuli mwezi uuzwide,Uusalala mbuli mumuni wazuba,Uukondelezya kapati mbuli makamu aabasikalumamba bazingulukide ndembela zyabo?’”+
11 “Ndakaselemukila kumuunda wazisamu zyamicelo iili mbuli nyemu+Kutegwa ndikabone naa ndelema zyakasonsa mukkuti,*Kutegwa ndikabone naa musaansa wakasyuuka,*Akuti naa zisamu zyamapomegranite zyakafwulula.
12 Kanditanazyiba cakali kucitika,Moyo wangu wakandisisyaKunkalaki zyabantu bangu balemekwa.”*
13 “Joka, joka okuno, yebo omu Sulamiwe!
Joka, joka okuno,Kutegwa tukubone!”
“Nkaambo nzi ncomumulanga mu Sulamiwe?”+
“Uli mbuli cizyano cankamu zyobilo!”*
Bupanduluzi buyungizyidwe
^ Naa “Munzi Uutaliboteli.”
^ Mu Chihebrayo, “nguusalala.”
^ Mu Chihebrayo, “uulanga ansi.”
^ Naa “mukalonga.”
^ Naa “wakafwulula.”
^ Naa “balisungwide.”
^ Naa “cizyano ca Mahanaimu.”
