Lwiimbo Lwa Solomoni 7:1-13
7 “Maulu aako mabotu kapati mumpato zyako,Omusimbi uulemekwa!
Zibelo zyako zibulungene zili mbuli zilisakatizyo,Imulimo wamaanza aasimilimo uucibwene.
2 Ikkombo lyako lili mbuli mutiba uubulungene.
Kutabuli waini uuvweledwe kulindilyo.
Ida lyako nkalwi kawiiti,Kazingulukidwe mpana koonse-koonse.
3 Inkolo zyako zyobilo zili mbuli twana twansya tobilo,Ibana bamaanga bananja.+
4 Insingo yako+ ili mbuli ngazi yakapangizyigwa ameja aabazovwu.+
Meso aako+ ali mbuli mazyiba aali mu Hesiboni,+Kumbali aamulyango wa Bati-rabimu.
Impemo yako ili mbuli ngazi yaku Lebano,Iilangide ku Damasiko.
5 Imutwe wako uli mbuli Karimeli,+Alimwi masusu aako*+ ali mbuli boya bwambelele bwakanyikwa mumubala wacisombo.+
Mwami watolelwa moyo* akaambo kambwaalileka-leka masusu aako malamfwu.
6 Eelo kaka uli mubotu, alimwi ulakondelezya kakaYebo omusimbi ooyandwa, ulakondelezya kwiinda zintu zyoonse zikondelezya kapati!
7 Ciimo cako cili mbuli kakunka,Alimwi nkolo zyako zili mbuli zikama zyamicelo yakakunka.+
8 Ndakaamba kuti, ‘Ndilakatanta kakunkaKutegwa ndijate mitabi yankako iijisi micelo.’
Inkolo zyako azibe mbuli zikama zyamisaansa,Bweema bwamuya wako abube mbuli micelo yamaapele,
9 Awalo mulomo* wako aube mbuli waini mubotu kapati.”
“Autelemuke kuya mukati kumuyandwa wangu,Aweende kabotu-kabotu aamilomo yabaabo balede.
10 Mebo ndili wamuyandwa wangu,+Awalo ulandiyanda kapati.
11 Koboola, Omuyandwa wangu,Katuya kumyuunda;Tukakkale nkuko akati kazisyango zyahena.+
12 Atufwume kubuka, tuunke kumyuunda yamisaansaKutegwa tukabone naa musaansa wasyuuka,*Naa maluba-luba apampanuka,+Naa zisamu zyamapomegranite zyafwulula.+
Eelyo ooko ndiyookutondezya mbondikuyanda.+
13 Mamandirake*+ alanunkilila;Kumilyango yesu kuli misyobo yoonse yamicelo mibotu kapati.+
Kuli micelo mipya alimwi ayakaindi,Eeyo njindakuyobweda yebo omuyandwa wangu.
Bupanduluzi buyungizyidwe
^ Mu Chihebrayo, “masusu aali mumutwe wako.”
^ Naa “ulaangidwe.”
^ Mu Chihebrayo, “cilakula.”
^ Naa “wafwulula.”
^ Mamandirake yakali micelo iyakali kubonwa kuti ilakonzya kugwasya mukaintu kuti amite.