Malaki 4:1-6
4 “Nkaambo amubone! Buzuba bulaboola, ibuzuba buyaka mbuli bbibi lyamulilo,+ eelyo basikulisumpula boonse alimwi abaabo boonse bacita bubi nobayooba mbuli makuba. Ncobeni ibuzuba oobo buboola buyoobaumpa cakumaninina,” mbwaamba Jehova wamakamu, “cakuti tabukabasiili muyanda nouba mutabi.
2 Pele nywebo nomulemeka* zina lyangu, izuba lyabululami liyoomumunikila, kalijisi nguzu zyakuponya mumitungazuba* yandilyo; eelyo nywebo muyoosotauka mbuli boombe baneneede batambala.”
3 “Eelyo nywebo muyoobalyatauka ibabi, nkaambo bayooba mbuli bulongo kunsi aamaulu aanu mubuzuba oobo mbondiyoobweza ntaamu,” mbwaamba Jehova wamakamu.
4 “Amuyeeye Mulawo wamubelesi wangu Musa, nkokuti malailile alimwi ambeta zyangu nzyondakalailila kucilundu ca Horebu kuti bana Israyeli boonse bazitobele.+
5 “Amubone! Ndilamutumina musinsimi Elija+ kabutanasika buzuba bwa Jehova bupati alimwi ibuyoosya.+
6 Eelyo walo uyoojola myoyo yabamausyi kubana babo,+ alimwi amyoyo yabana kuli bamausyi, kutegwa nditakabooli kuzikuuma nyika akwiinyonyoona.”
