Marko 16:1-8
-
Jesu wabusyigwa (1-8)
16 Aboobo buzuba bwa Sabata+ nobwakainda, Mariya Magadalene, Mariya+ banyina Jakobo alimwi a Salome bakaula tununkilizyo kutegwa bakananike mubili wakwe.+
2 Mpoonya mafwumofwumo mubuzuba bwakusaanguna bwansondo eeyo mbolyakazwida buyo zuba, bakasika kucuumbwe.+
3 Bakali kubuzyanya kuti: “Nguni uutiitukunkulisyile bbwe lili kumulyango wacuumbwe?”
4 Pele nobakalanga bakabona kuti ibbwe lyakunkulisyigwa kale nokuba kuti lyakali lipati kapati.+
5 Nobakanjila mucuumbwe bakabona mulombwana kakkede kulubazu lwakululyo kasamide cisani cilamfwu cituba, eelyo bakagambwa kapati.
6 Wakabaambila kuti: “Mutagambwi.+ Ndilizyi kuti muyandaula Jesu waku Nazareta ooyo iwakajaigwa aacisamu. Wabusyigwa.+ Tako muno pe. Amubone! Mboobu busena mpobakamulazikide.+
7 Pele kamuya, mukaambile basikwiiya bakwe a Petro kuti, ‘Wamusolweda kuya ku Galilaya.+ Muyoomubona okuya mbubonya mbwaakamwaambila.’”+
8 Aboobo nobakazwa, bakatija kuzwa kucuumbwe, kabakankama akugambwa kapati. Alimwi kunyina ngobakaambila nkaambo bakaliyoowede.*+
Bupanduluzi buyungizyidwe
^ Kweelana amalembe aasyomeka aakusaanguna, bbuku lya Makani Mabotu aakalembwa a Marko limanina amajwi aali mukapango 8. Amubone Makani Aayungizyidwe A3.
