Mika 2:1-13
2 “Maawe kulibaabo ibakanza kucita zintu zibyaabi,Aabo ibayeeya kucita bubi kabali amalo aabo!
Mbobwaceda buyo balazicita zintu eezyo,Nkaambo balakonzya kuzicita.+
2 Banyomenena myuunda yabamwi akwiibweza;+Banyomenena maanda, eelyo balaabweza;Babweza ŋanda yamuntu kwiinda mukubelesya bumpelenge,+Baunina muntu lukono lwakwe.
3 Aboobo, mboobu mbwaamba Jehova:
‘Amubone, ndijisi makanze aakuletela musyobo ooyu mapenzi+ ngomutakakonzyi kutija.+
Tamukeendi limbi cakulisumpula,+ nkaambo eeci nciindi camapenzi.+
4 Mubuzuba oobo bantu bayakwaamba kaambyo kujatikizya ndinywe,Alimwi bayoomulila kapati nywebo.+
Bayakwaamba kuti: “Eelo kaka twanyonyoonwa cakumaninina!+
Caabilo cabantu bangu wacipa bantu bambi—maawe wandinyanga!+
Myuunda yesu waipa bantu batasyomeki.”
5 Aboobo, tokabi amuntu naba omwe uutandabula ntambo yakupimya,Akwaapaula nyika mumbungano ya Jehova.
6 Bakambauka kuti, “Amuleke kukambauka!Tabeelede kukambauka zintu eezyi;Masampu taakatusikili pe!”
7 Nywebo nobamuŋanda ya Jakobo, sena bantu baamba kuti:
“Sena muuya wa Jehova wanyema?
Sena eeyi milimo yakwe?”
Sena majwi aangu taabaleteli bubotu aabo beenda cakululama?
8 Pele calino aawa bantu bangu bakaba mbuli sinkondo.
Caantangalala nywebo mubanyanga cilisakatizyo cibotu alimwi acisani,Aabo beenda cakulimvwa, mbuli baabo bajoka kuzwa kunkondo.
9 Bamakaintu ibali akati kabantu bangu mulabatanda mumaanda aabo mabotu;Bana babo mubanyanga bweebesi bwangu mane kukabe kutamani.
10 Amunyamuke muunke, nkaambo oobu tabuli busena bwakulyookezyela.
Akaambo kabusofwaazi,+ kuli lunyonyooko, ilunyonyooko lubi kapati.+
11 Ikuti muntu katobela muwo alweeno alimwi kaamba bubeji oobu bwakuti:
“Ndilakukambaukila makani aawaini alimwi abukoko,”
Nkokuti muntu ooyu unooli buyo mukambausi wabantu aaba!+
12 Masimpe ndiyoomubunganya nyoonse, nobana ba Jakobo;Ncobeni ndiyoobayobolola antoomwe basyeede ba Israyeli.+
Ndiyoobaleta antoomwe kabakamantene, mbubonya mbuli mbelele mucaanda canzizyo,Mbuli butanga bwambelele mumacelelo aambubo;+Kuyoomvwugwa kuyobeka kwabantu.’+
13 Ooyo uupola uyooba kumbele lyabo;Bayoopola, bayakwiinda mumulyango wamunzi akuzwa anze kwiinda mulinguwo.+
Mwami wabo uyakwiinda mulinguwo kumbele lyabo,Jehova nguuyoobasolweda.”+
