Mika 3:1-12
3 Ndakaamba kuti: “Akaka amumvwe, nywebo nobasilutwe ba JakoboAnobeendelezi bamuŋanda ya Israyeli.+
Sena tamuli ndinywe nomweelede kuzyiba bululami?
2 Nokuba boobo musulaika cintu cibotu+ akuyanda cintu cibi;+Mufwunda bantu bangu akuzutula nyama kumafwuwa aabo.+
3 Alimwi mulya nyama yabantu bangu+Akubafwunda,Mutyolaula mafwuwa aabo akwaapwayaula,+Mbuli zyeezyo zijikwa mumpoto, mbuli nyama iili mumpoto.
4 Aciindi eeco bayookwiilila Jehova kuti abagwasye,Pele takabavwiili pe.
Uyoobasisa busyu bwakwe kuciindi eeco,+Akaambo kamicito yabo mibyaabi.+
5 Mboobu mbwaamba Jehova ikucenjezya basinsimi ibapa kuti bantu bangu baleye,+Ibaambilizya kuti, ‘Luumuno!’+ ciindi nobajisi cakuluma* ameno aabo+Pele ibatalisya nkondo kumuntu uutabikki cintu cili coonse mukanwa lyabo:
6 ‘Muyoosikilwa masiku;+ tamukaboni cilengaano;+Muyooba mumudima walo-walo, tamukasondi pe.
Zuba liyoobabbilila basinsimi,Alimwi buzuba buyoobasiila.+
7 Basizilengaano bayoogunwa,+Abalo basondi bayootyompwa.
Boonse buyo bayoolijata kumilomo,Nkaambo kunyina bwiinguzi kuzwa kuli Leza.’”
8 Pele mebo ndizwide nguzu akaambo kamuuya wa Jehova,Ndizwide bululami alimwi abusicamba,Kutegwa ndaambile Jakobo mulandu wakwe wabuzangi akwaambila Israyeli cibi cakwe.
9 Akaka amumvwe makani aaya, nywebo nobasilutwe bamuŋanda ya JakoboAnobeendelezi bamuŋanda ya Israyeli,+Nywebo nomusesemwa bululami alimwi nomupilinganya cintu coonse ciluleme,+
10 Nomuyaka Ziyoni amicito yakutila bulowa akuyaka Jerusalemu akutalulama.+
11 Basololi banguwo balabeteka kuti bapegwa cisinkamulomo,+Bapaizi banguwo balayiisya ikuti babbadelwa,+Abalo basinsimi banguwo balasonda kutegwa bapegwe mali.*+
Nokuba boobo basyoma Jehova* kabati:
“Sena Jehova tali andiswe?+
Kunyina mapenzi aayootusikila.”+
12 Aboobo akaambo kandinywe,Ziyoni uyoolimwa mbuli muunda,Jerusalemu uyooba zitantaala buyo,+Acalo cilundu ca Ŋanda ya Leza ciyooba mbuli malundu aamusyokwe.+
Bupanduluzi buyungizyidwe
^ Naa ambweni, “ciindi nobajisi cakulya.”
^ Naa “nsiliva.”
^ Naa “balyaamba kuti basyoma Jehova.”
