Mika 6:1-16
6 Akaka amumvwe ncaamba Jehova.
Amunyamuke, mutole kaambo kanu kumalundu,Atwalo tulundu atumvwe jwi lyanu.+
2 Nywebo nomalundu amumvwe kaambo nkajisi Jehova,Nywebo nontalisyo zyanyika ziyumu nta,+Nkaambo Jehova ujisi kaambo abantu bakwe;Mbana Israyeli mbatiibeteke kuti:+
3 “Nobantu bangu, ino ndamutyani?
Ino ndamuminya buti?+
Amundaambile ncondalubizya.
4 Mebo ndakamugwisya mucisi ca Egepita,+Ndakamufwutula muŋanda yabuzike;+Ndakamutumina Musa, Aroni a Miriamu kuti bamusolwede.+
5 Akaka nobantu bangu, amuyeeye makanze ngaakajisi Mwami Balaki wa Moabu,+Ambwaakamuvwiila Balamu mwana wa Beori+—Amuyeeye cakacitika kuzwa ku Sitimu+ mane kusikila ku Giligala+—Kutegwa muzyibe milimo iiluleme ya Jehova.”
6 Ino ndilamusikila anzi Jehova?
Ino ndilamukotamina anzi Leza wakujulu?
Sena ndimusikile azituuzyo zyuumpwa buumbulu,Aboombe bajisi mwaka omwe?+
7 Sena Jehova ulazikkomanina zyuulu zyabagutu,Sena ulazikkomanina zyuulu-zyuulu zyamilonga yamafwuta?+
Sena ndaabe mwanaangu wakusaanguna kuti amanye mulandu wabuzangi bwangu,Sena ndaabe mucelo wamubili wangu kuti umanye cibi cangu?+
8 Yebo omuntu, wakwaambila kale cintu cibotu.
Ino ncinzi Jehova ncayanda kulinduwe?
Uyanda buyo kuti kocita bululami,+ koyandisya kusyomeka,*+Alimwi akweenda cakulibombya+ a Leza wako!+
9 Ijwi lya Jehova liita munzi;Bantu bajisi busongo bugwasya banooyoowa zina lyako.
Amuswiilile musako alimwi ayooyo wakausala.+
10 Sena muŋanda yabantu babi molucili lubono lwabubiAlimwi acipimyo caefa* cicesyedwe eeco cisesemya?
11 Sena ndilakonzya kuba abukkale busalala* ikuti kandijisi zikkelo zitaluzi,Alimwi ankomo yamabwe aakupimya aakuunina bamwi?+
12 Nkaambo bavwubi bamumunzi ooyu bazwide bubi,Abalo bantu bakkala mulinguwo baamba zyakubeja;+Milaka yabo ileena mukanwa lyabo.+
13 “Aboobo ndiyookuuma akukucisa,+Ndiyookunyonyoona akaambo kazibi zyako.
14 Uyoolya pele tokakkuti pe;Alimwi mwida lyako munoonyina cintu cili coonse.+
Zintu nzyoyoogwisya, tokazitoli kakunyina penzi,Alimwi kufwumbwa zintu nzyoyootola, ndiyoozyaaba kupanga.
15 Uyoosyanga mbuto, pele tokatebuli pe.
Uyoolyatauka maolifa, pele tokaabelesyi mafwuta pe;Alimwi uyoopanga waini mupya, pele tokaunywi pe.+
16 Nkaambo mutobela milawo ya Omuri alimwi amicito yoonse yabamuŋanda ya Ahabu,+Alimwi mutobela mizeezo yabo.
Aboobo ndiyoomucita kuba cintu cigambyaAbalo bantu bakkala mumunzi ooyu ndiyoobapa kuba cintu cisibilwa mulosi;+Alimwi muyoosampaulwa abantu.”+
Bupanduluzi buyungizyidwe
^ Naa “koli siluzyalo alimwi kosyomeka muluyando lwako.” Mu Chihebrayo, “ikuyanda luyando lutamani.”
^ Amubone Makani Aayungizyidwe B14.
^ Naa “ndilakonzya kubula mulandu.”
