Tusimpi 14:1-35
14 Mukaintu musongo ncobeni ulayaka ŋanda yakwe,+Pele mufwubafwuba ulaimwaya amaanza aakwe mwini.
2 Ooyo weenda cakululama uyoowa Jehova,Pele ooyo uulaanzila zyabumpelenge* ulamusampaula Leza.
3 Musako wakulisumpula uli mukanwa lyamufwubafwuba,Pele milomo yabasongo ilabakwabilila.
4 Ikuti kakutakwe ŋombe, cilido canzizyo cilasalala,Pele nguzu zyamusune nzyezivwuzya butebuzi.
5 Kamboni uusyomeka tabeji pe,Pele kamboni wakubeja waamba zyakubeja zyalo-zyalo.+
6 Sikusampaula ulayandaula busongo, pele tabujani pe,Pele kumuntu uulaamaano ncuuba-uba kuba aluzyibo.+
7 Komutantamuka muntu mufwubafwuba,Nkaambo yebo tokajani luzyibo kumilomo yakwe.+
8 Busongo bwamuntu uucenjede bumupa kuzyiba nzila yakwe nkwiimutola,Pele bafwubafwuba baleenwa* abufwubafwuba bwabo.+
9 Bafwubafwuba bafwubaazya mulandu,*+Pele balulami balayanda kumvwana akati kabo.*
10 Moyo wamuntu ulikuzyi kuusa kwanguwo,Alimwi kunyina muntu uumbi uukonzya kutola lubazu mulukkomano lwanguwo.
11 Ŋanda yabantu babi iyoonyonyoonwa,+Pele tente lyabalulami liyoozwidilila.
12 Kuli nzila iilibonya kuti ililuleme mumeso aamuntu,+Pele kumamanino itola buyo kulufwu.+
13 Nokuba kuti muntu ulaseka, moyo inga kaucisa,Alimwi kusekelela kulakonzya kumanina mumause.
14 Muntu uutasyomeki mumoyo wakwe uyootebula micelo yanzila zyakwe,+Pele muntu uuli kabotu uyootebula micelo yamilimo yakwe.+
15 Muntu mufwubafwuba ulaasyoma makani oonse,Pele ooyo uucenjede ulakkala ansi kuyeeya ntaamu zyakwe.+
16 Musongo ulicenjede alimwi ulabutantamuka bubi,Pele mufwubafwuba takwe makani* alimwi ulalisyoma.
17 Ooyo uufwambaana kunyema ulacita cintu cabufwubafwuba,+Pele muntu uuyeeya katanacita cintu* ulasulaikwa.
18 Bantu batakwe luzyibo bayookona bufwubafwuba,Pele bacenjede mbambabo basama luzyibo mbuli musini.+
19 Bantu babyaabi bayookotamina bantu bali kabotu,Bantu babi bayookotama kumilyango yamunzi wabalulami.
20 Mucete ulasulaikwa nokuba kubeenzinyina,+Pele balongwe bamuvwubi mbanji.+
21 Ooyo uunyansya mweenzinyina ucita cibi,Pele ooyo weetezyegwa muntu uupengede ulikkomene.+
22 Sena aabo ibakanza kucita cibi tabakasweeki na?Pele aabo ibakanzide kucita bubotu bayootambula luyando lutamani alimwi akusyomeka.+
23 Mulimo uuli woonse uubelekwa canguzu ujanya mpindu,Pele ikwiile kwaambaula buyo amulomo kuletela bucete.+
24 Musini wabasongo ndubono lwabo;Pele bufwubafwuba bwabantu batakwe maano mbufwubafwuba bwalo-bwalo.+
25 Kamboni wancobeni ulafwutula buumi bwabantu,Pele kamboni uubeja waamba zyakubeja zyalo-zyalo.
26 Muntu uuyoowa Jehova ulijisi lusyomo luyumu nta,+Alimwi bana bakwe bayoojana mayubilo.+
27 Kuyoowa Jehova nkasensa kabuumi,Kulalesya muntu kucegwa mutukole twalufwu.
28 Kuvwula kwabantu mbobulemu bwamwami,+Pele muleli uutajisi bantu bakulela ulinyonyookede.
29 Ooyo uutafwambaani kunyema musongo kapati,+Pele ooyo uutakkaziki moyo utondezya bufwubafwuba bwakwe.+
30 Moyo uukkede upa buumi kumubili,*Pele munyono upa kuti mafwuwa abole.+
31 Ooyo wuunina muntu uupengede usampaula Mulengi wakwe,+Pele ooyo uufwida lubomba mucete ulamulemeka Leza.+
32 Mubi uyoowisyigwa ansi abubi bwakwe mwini,Pele mululami unoojana mayubilo mukubula kampenda kwakwe.+
33 Busongo bulikkede kabuumwine mumoyo wamuntu uulaamaano,+Pele akati kabafwubafwuba bweelede kulizyibya.
34 Bululami mbobusumpula cisi,+Pele cibi masampu kubantu.
35 Mwami ulamukkomanina mubelesi uucita zintu cabupampu,+Pele bukali bwakwe busikila yooyo uucita zintu zijazya nsoni.+
Bupanduluzi buyungizyidwe
^ Naa “zipilingene.”
^ Naa ambweni, “beena bamwi.”
^ Naa “tabalilekeleli.”
^ Naa “akati kabalulami zintu zili kabotu.”
^ Naa “ulanyema.”
^ Naa “muntu musongo.”
^ Naa “ulaponya mubili.”
