Tusimpi 22:1-29
22 Izina libotu* lyeelede kusalwa kwiinda lubono lunji;+
Kulemekwa* nkubotu kapati kwiinda nsiliva angolida.
2 Muvwubi amucete baleelene* mukuti:Jehova nguwakabalenga boonse.+
3 Muntu uucenjede abona mapenzi ulayuba,Pele aabo batakwe maano balaunka nkukonya ooko, aboobo balapenga.*
4 Kulicesya akuyoowa JehovaKuletela buvwubi, bulemu alimwi abuumi.+
5 Mamvwa alimwi atukole zili munzila yamuntu mumpelenge,Pele kufwumbwa ooyo uulemeka buumi bwakwe ukkalila kulamfwu anzizyo.+
6 Koyiisya mwana inzila njayelede kweendela;+Noliba leelyo aakukomena takazwi mulinjiyo pe.+
7 Muvwubi nguuyendelezya bacete,Alimwi sikukweleta muzike wayooyo uukweletesya.+
8 Kufwumbwa uusyanga zitaluleme uyootebula mapenzi,+Alimwi nkoli yabukali bwakwe iyoonyonyoonwa.+
9 Muntu mwaabi* uyoolelekwa,Nkaambo waabana cakulya cakwe abacete.+
10 Komutanda muntu uusampaula,Eelyo mazwanga alamana;Akwalo kukazyanya* alimwi amatusi zilamana.
11 Muntu uuyandisya moyo uusalala alimwi iwaamba majwi mabotu,Imwami uyooba mulongwaakwe.+
12 Meso aa Jehova akwabilila luzyibo,Pele ulanyonyoona majwi aamuntu mumpelenge.+
13 Mutolo waamba kuti: “Kuli syuumbwa anze!
Ndilajaigwa mumabuwa aabuleya!”+
14 Milomo yabamakaintu bazangi* ncilindi cilamfwu.+
Ooyo uusinganizyidwe a Jehova uyoowida mumo.
15 Bufwubafwuba bulaangidwe mumoyo wamwana,+Pele muluso walulayo nguuyoobusowela kulamfwu anguwe.+
16 Ooyo wuunina mucete kutegwa avwuzye lubono lwakwe+Alimwi ayooyo uupa muvwubi zipegoBoonse bobilo bayoocetaala.
17 Koteya kutwi kwako umvwe majwi aabasongo,+Kutegwa ugamike moyo wako kuluzyibo lwangu,+
18 Nkaambo ncibotu ikuti waayobole mukati kako,+Kutegwa oonse azumanane kuba amilomo yako.+
19 Kutegwa kosyoma buyo Jehova,Yebo sunu ndilakupa luzyibo.
20 Sena tiindakulembela kale,Majwi aakukupa maano aluzyibo,
21 Kutegwa ndikuyiisye majwi aamasimpe alimwi aasyomeka,Akuti ukonzye kujoka kojisi makani aamasimpe kuli yooyo wakutuma?
22 Utabbidi mucete akaambo kakuti mucete,+Alimwi utapwayauli muntu uupengede kumulyango wamunzi,+
23 Nkaambo Jehova uyoobabetekela bweelede kaambo kabo+Alimwi aabo bababbida uyoobanyanga buumi.
24 Utanoomvwani amuntu mukaliAlimwi utanikweendi amuntu uunyema-nyema buyo,
25 Kutegwa utaiyi nzila zyakweAkulinjizya mukakole.+
26 Utabi umwi wabaabo basukana mumaanza mucizuminano,Ibasyomezya kubbadela zikwelete zyabantu bambi.+
27 Ikuti konyina cakubbadela,Bayookunyanga bulo bwako mpolala!
28 Utaswenyi munyinza wakaindiOoyo ngobakabikka bamauso.+
29 Sena wamubona muntu uucibwene kubeleka mulimo wakwe?
Uyakwiima kumbele lyabami;+Takaimi kumbele lyabantu-bantu buyo pe.
Bupanduluzi buyungizyidwe
^ Mu Chihebrayo, “Kukkomaninwa.”
^ Naa “Mpuwo mbotu.” Mu Chihebrayo, “Izina.”
^ Mu Chihebrayo, “baliswaangene.”
^ Naa “balasubulwa.”
^ Mu Chihebrayo, “Ooyo uujisi liso libotu.”
^ Naa “Ayalo milandu.”
