Tusimpi 30:1-33
30 Ngaaya makani mapati aali mumajwi aa Aguri mwana wa Jake, ngaakaambila Itiyeli, inzya ngaakaambila Itiyeli a Ukali.
2 Mebo ndime ndiinda bantu boonse kutazyiba zintu,+Alimwi tandijisi maano ngayelede kuba angawo muntu woonse.
3 Tandiyiide busongo,Alimwi tandijisi luzyibo lwa Yooyo Uusalalisya.
4 Ino nguni wakatanta kujulu mpoonya akuseluka?+
Ino nguni wakajata muwo mumaanza aakwe?
Ino nguni wakavwungaila maanzi mucisani cakwe?+
Ino nguni wakabamba* magolelo aanyika oonse?+
Ino nguni zina lyakwe alimwi ino mwanaakwe nguni zina, ikuti naa ulizyi?
5 Majwi aa Leza oonse alasalala.+
Walo nintobo kuli baabo bayuba mulinguwe.+
6 Utayungizyi cintu kumajwi aakwe,+Kutegwa atakusinsi,Eelyo balakwaamba kubeja.
7 Ndikulomba zintu zyobilo.
Utandiimi zintu eezyo kanditanafwa.
8 Bubeji alimwi alweeno kozitantamwida kulamfwu andime.+
Utandipi bucete naa buvwubi.
Andilye buyo cakulya cindikkwene,+
9 Kutegwa nditakkuti mpoonya akukukaka kandaamba kuti, “Ino Jehova nguni?”+Akuti nditacetaali akubba mpoonya akusampaula zina lya Leza wangu.
10 Utabejekezyi mubelesi kuli simalelaakwe,Buyo-buyo ulakutukila eelyo ulapegwa mulandu.+
11 Kuli zyalani litukila bausyiAlimwi litalemeki banyina.+
12 Kuli zyalani lisalala mumeso aandilyo lini+Pele ilyatasalazyigwa kubusofwaazi* bwandilyo.
13 Kuli zyalani lijisi meso aalisumpula kapatiAlimwi lijisi meso aalanga cakunyansya kapati!+
14 Kuli zyalani lijisi meno aali mbuli mapangaAlimwi lijisi myeebo iili mbuli zipeni zyakujazya;Balalya bantu bapengede munyikaAlimwi abacete akati kabantu.+
15 Bamusyundu bajisi bana basimbi bobilo balilila kuti, “Tupe! Tupe!”
Kuli zintu zyotatwe zitakkuti,Zyone zitaambi kuti, “Mbubo, twakkuta!”
16 Cuumbwe*+ alimwi ada lyamukaintu uutazyali,Inyika iitajisi maanzi,Alimwi amulilo ooyo uutaambi kuti, “Mbubo, kwamana!”
17 Liso lyamuntu uufwubaazya bausyi alimwi uutayandi kumvwida banyina+Bacikwangala bamukkuti* bayoolinonkola,Alimwi bana basikwaze bayoolilya.+
18 Kuli zintu zyotatwe nzyonditakonzyi kuzyiba,*Azintu zyone nzyonditamvwisyi:
19 Bweende bwasikwaze mujulu,Bweende bwanzoka amwala,Bweende bwabwato mulwizi,Alimwi abweende bwamusankwa amusimbi.
20 Njeeyi nzila yamukaintu simamambe:
Ulalya, akulipukuta kumulomo;Mpoonya waamba kuti, “Kunyina cibi ncindacita pe.”+
21 Kuli zintu zyotatwe zizungaanya nyikaAlimwi zyone nzyoitakonzyi kuliyumya:
22 Eelyo muzike nalela kali mwami,+Amuntu mufwubafwuba najisi cakulya cinji,
23 Mukaintu uusulaikwa* nakwatwa,Amubelesi musimbi nabweza busena bwanamalelo wakwe.*+
24 Kuli zintu zyone izili akati kazintu ziinda kuceya munyika,Pele izijisi busongo bwakulengwa ambubo:*+
25 Tunyenyene ntuuka tutajisi nguzu zinji,*Nokuba boobo tulabamba cakulya cantuto cilimo.+
26 Bacibila+ mbanyama batajisi nguzu zinji,*Nokuba boobo bayaka ŋanda yabo akati kamandomba.+
27 Cikwikwi+ tacijisi mwami pe,Nokuba boobo coonse cilaunka kumbele muzibunga-bunga.+
28 Ntombela*+ ulanamatila amaulu aakwe,Alimwi ulanjila muŋanda yamwami.
29 Kuli zintu zyotatwe zijisi ntaamu zikondelezya,Zintu zyone zikondelezya nozyeenda:
30 Syuumbwa, imunyama uujisi nguzu zinji kapati kwiinda banyama boonse,Alimwi uutatiji kumbele lyauli woonse;+
31 Mubwa wakuvwimya silubilo; mujembwe;Alimwi amwami uuli antoomwe ampi yakwe yabasikalumamba.
32 Ikuti naa cabufwubafwuba walisumpula+Alimwi ikuti naa wakanzide kucita boobo,Kolijata kumulomo.+
33 Nkaambo mbubonya kusuka mukupa mbokupa kuti kupangike mafwuta*Akutyanka mpemo mbokuzwisya bulowa,Akwalo kubusya bukali nkokuletela kubwesyanya.+
Bupanduluzi buyungizyidwe
^ Mu Chihebrayo, “wakaimika.”
^ Mu Chihebrayo, “kutubi.”
^ Naa “Cikkalilo Cabafwu.” Amubone Bupanduluzi Bwamabala.
^ Naa “bamutulonga.”
^ Naa “zindigambya kapati.”
^ Naa “uutayandwi.”
^ Naa “natanda namalelo wakwe.”
^ Naa “zisongo kapati.”
^ Mu Chihebrayo, “mbantu batajisi nguzu zinji.”
^ Mu Chihebrayo, “mbantu batajisi nguzu zinji.”
^ Ntombela ooyu ulibonya mbuli syazibumbu naa cikulukulu.
^ Bamwi baamba kuti “maumba.”
