Tusimpi 4:1-27
4 Nobana bangu, amuswiilile lulayo lwabauso;+Amubikkile maano kutegwa mube abusongo,
2 Nkaambo ndilamupa malailile mabotu;Mutaleki kuccilila nzyondimuyiisya.*+
3 Ndakali mwana mwini-mwini kuli bataata+Alimwi ndakali kalungu kaamoyo kuli bamaama.+
4 Bataata bakali kundiyiisya akundaambila kuti: “Moyo wako aujatisye majwi aangu.+Kobamba milawo yangu kuti uzumanane kupona.+
5 Kolijanina busongo, kolijanina maano.
Utalubi pe,+ alimwi utaleyi kumajwi ngondaamba.
6 Utabuleki pe, eelyo bulakukwabilila.
Kobuyandisya, eelyo bulakutabilila.
7 Busongo ncintu ciyandika kapati,*+ aboobo kolijanina busongo,Alimwi akati kazintu zyoonse nzyojana, kolijanina maano.+
8 Kobulemeka kapati, eelyo buyookusumpula.+
Buyookulemeka akaambo kakuti ulibujisi amaanza obilo.+
9 Buyoosakatizya mutwe wako angala;Buyookusamika musini weebeka.”
10 Mwanaangu, koswiilila akutambula majwi aangu,Aboobo myaka yabuumi bwako inooli minji.+
11 Ndilakuyiisya nzila yabusongo;+Ndilakweenzya mutuzila twabululami.+
12 Wanakweenda, ntaamu zyako tazikasinkilwi pe;Alimwi wanoolunduka, tokawi pe.
13 Kolujatisya lulayo; utalulekezyi pe.+
Kolubambilila, nkaambo mbobuumi bwako.+
14 Utanjili munzila yababi pe,Alimwi uteendi munzila yabantu babyaabi.+
15 Koitantamuka, uteendi mulinjiyo pe;+Koileya, akuyiindilila.+
16 Nkaambo tabakonzyi koona ccita mane bacite cintu cibi.
Balaba acilabila ccita mane balebye muntu umwi.
17 Balya cinkwa cabubi,Alimwi banywa waini uuzwa mubugwebenga bwabo.
18 Pele nzila yabaluleme ili mbuli mumuni wamafwumofwumo uumwekaUuyaabumwekesya kusikila mane kwatuba buu.+
19 Inzila yababi ili mbuli mudima;Tabacizyi cibalebya.
20 Mwanaangu, kobikkila maano kumajwi aangu;Koswiililisya* majwi ngondaamba.
21 Utaleki kwaabikkila maano;Koabamba mumoyo wako,+
22 Nkaambo mbuumi kulibaabo baajana+Alimwi apa kuti mibili yabo yoonse kaili kabotu.
23 Akati kazintu zyoonse nzyokwabilila, kokwabilila kapati moyo wako,+Nkaambo mulinguwo momuli tusensa twabuumi.
24 Kogwisya makani aabumpelenge kulinduwe,+Alimwi majwi aabucenjezu koasowela kulamfwu anduwe.
25 Meso aako ayelede kulanga buyo kumbele,Inzya, kogamika buyo meso aako* kumbele lyako.+
26 Kobotya* nzila imwiinda maulu aako,+Aboobo nzila zyako zyoonse zinooli kabotu.
27 Utaleyi kuunka kululyo naa kulumwensyi.+
Gwisya maulu aako kucintu cibi.
Bupanduluzi buyungizyidwe
^ Naa “mulawo wangu.”
^ Naa “ncintu cipati.”
^ Mu Chihebrayo, “Kocenjeka kutwi kwako ku.”
^ Naa “meso aako aalangisya.”
^ Naa ambweni, “Kozilanga-langa cakulomya.”
