Tusimpi 9:1-18
9 Busongo bwini-bwini bwaliyakila ŋanda;Bwalifwalila* misemu iili ciloba.
2 Bwalijaila banyama;Bwalivwelela waini;Alimwi bwalibambila tebulu.
3 Bwatuma babelesi bambubo basimbiKuti baunke atala aamasena aasumpukide aamunzi akwiita bantu kuti:+
4 “Kufwumbwa uutakwe luzyibo, aaboole okuno.”
Bwaambila yooyo uutakwe maano* kuti:
5 “Kamuboola muzoolye cinkwa canguAkunywa waini ngundavwela.
6 Amuleke kubula luzyibo* kutegwa mupone;+Amuzumanane kweenda munzila yamaano.”+
7 Ooyo uululamika muntu sikusampaula uliletela buyo masampu,+Alimwi ooyo uusinsa muntu mubi ulalicisa mwini.
8 Utasinsi sikusampaula, kutegwa atakusulaiki.+
Pele kosinsa muntu musongo eelyo ulakuyanda.+
9 Kolailila muntu musongo eelyo ulayungizya busongo.+
Koyiisya mululami eelyo ulayungizya lwiiyo lwakwe.
10 Kuyoowa Jehova ngamatalikilo aabusongo,+Alimwi kumuzyiba Ooyo Uusalalisya+ ngamaano.
11 Nkaambo mebo ndiyoopa kuti mazuba aako avwule,+Alimwi myaka yabuumi bwako iyooyungizyigwa.
12 Ikuti wasongwaala, busongo bwako bugwasya nduwe omwini,Pele ikuti naa uli sikusampaula, nciindi cako.
13 Mukaintu mufwubafwuba ulaambaulisya.+
Takwe maano alimwi kunyina ncazyi pe.
14 Ulakkala kumulyango waŋanda yakweAcuuno mumasena aasumpukide aamunzi,+
15 Kuti aite basimweendanzila,Aabo bayaabweenda munzila zyabo, kaamba kuti:
16 “Kufwumbwa uutakwe luzyibo, aaboole okuno.”
Waambila baabo batakwe maano* kuti:+
17 “Maanzi aakubba alalweela,Alimwi cakulya ciligwa cakusisikizya cilanona.”+
18 Pele muntu ooyu tazyi kuti aabo bakazundwa alufwu nkobali ooko,Akuti beenzu bamukaintu ooyu bali kunsi kwini kwa Cuumbwe.*+
Bupanduluzi buyungizyidwe
^ Naa “Bwalibezela.”
^ Mu Chihebrayo, “uutakwe moyo.”
^ Naa “kuba akati kabaabo batakwe luzyibo.”
^ Mu Chihebrayo, “batakwe moyo.”
^ Naa “Cikkalilo Cabafwu.” Amubone Bupanduluzi Bwamabala.
