Zefaniya 1:1-18
1 Ndeeli jwi lya Jehova ilyakamusikila Zefaniya* mwana wa Kushi, mwana wa Gedaliya mwana wa Amariya, imwana wa Hezekiya mumazuba aa Josiya+ mwana wa Amoni,+ imwami wa Juda:
2 “Ndiyoozikukulula zintu zyoonse zili atala aanyika,” mbwaamba Jehova.+
3 “Ndiyoobakukulula bantu abanyama.
Ndiyoobakukulula bayuni bauluka mujulu alimwi answi zyamulwizi,+Azilebyo*+ kubikkilizya abantu babi;Alimwi ndiyoonyonyoona bantu boonse atala aanyika,” mbwaamba Jehova.
4 “Ndiyootandabika janza lyangu kulwana JudaAkulwana bantu boonse bakkala mu Jerusalemu,Eelyo mubusena oobu ndiyoonyonyoona cintu cili coonse cisyeede icizulilwa kuli Baala,+Impuwo yabapaizi babaleza beenzu antoomwe abapaizi bambi buyo.+
5 Ndiyoobanyonyoona aabo bakotamina makamu aakujulu atala aaziluli,+Abaabo bakotama ansi akukonka kuti banoosyomeka kuli Jehova+Kumwi kabakonka kuti banoosyomeka akuli Malikamu;+
6 Kubikkilizya abaabo ibaleka kutobela Jehova+Alimwi ibatayandauli Jehova nokuba kubuzya makani kulinguwe.”+
7 Amuumune wi kumbele lya Mwami Singuzuzyoonse Jehova, nkaambo buzuba bwa Jehova bulaafwaafwi.+
Jehova wabamba cipaizyo; wabasalazya aabo mbaakatamba.
8 “Mubuzuba bwacipaizyo ca Jehova ndiyoosubula basilutwe,Bana bamwami,+ abaabo boonse basamide zyakusama zyeenzu.
9 Mubuzuba oobo ndiyoobasubula boonse aabo batanta acibumbili,Aabo ibazuzya bugwebenga alimwi alweeno mumaanda aabasimalelaabo.
10 Mubuzuba oobo,” mbwaamba Jehova,“Kuyoolimvwisya jwi lyakulila ku Mulyango wa Nswi,+Akoomoka kuzwa kubusena bupya bwamunzi,+Akupwayaula kupati kuzwa kutulundu.
11 Amoomoke, nywebo nomukkala mu Maketesi,*Nkaambo basimakwebo boonse bajaigwa;Aabo boonse bapima nsiliva banyonyoonwa.
12 Kuciindi eeco ndiyoolomya kuyandaula amalambe mu Jerusalemu,Eelyo ndiyoobasubula bantu aabo bakkede kabaliibide alimwi mumyoyo yabo ibaamba kuti,‘Jehova takoocita cintu cibotu, alimwi takoocita cintu cibi pe.’+
13 Lubono lwabo luyoosaalwa, aalo maanda aabo ayoonyonyoonwa.+
Bayooyaka maanda, pele tabakakkali mulingawo;Bayoosyanga myuunda yamisaansa, pele tabakaunywi waini uuzwa mulinjiyo.+
14 Buzuba bupati bwa Jehova buli afwaafwi!+
Buli afwaafwi alimwi bulaboola cakufwambaana kapati!+
Ikuzuma kwabuzuba bwa Jehova kulayoosya.+
Mubuzuba oobo sikalumamba uyakoongolola kulila.+
15 Buzuba oobo mbuzuba bwabukali,+Mbuzuba bwamapenzi amacise,+Mbuzuba bwaguwo alunyonyooko,Mbuzuba bwamudima akusiya,+Mbuzuba bwamakumbi abwamudima uusiya mbi,+
16 Mbuzuba bwamweembo aloongololo lwankondo,+Ikulwana minzi iikwabilidwe akulwana ngazi zilamfwu zyamumakkona.+
17 Ndiyooletela bantu mapenzi,Eelyo bayakweenda mbuli boofwu,+Nkaambo ngu Jehova ngobabisyila.+Bulowa bwabo buyootilwa mbuli lusuko,Anyama yabo* mbuli mafwumba.+
18 Nsiliva yabo noiba ngolida yabo taikabafwutuli pe mubuzuba bwabukali bwa Jehova;+Nkaambo nyika yoonse iyoonyonyoonwa cakumaninina amulilo wabusungu bwakwe,+Nkaambo uyooleta lunyonyooko, ilunyonyooko luyoosya kapati, kulibaabo boonse bakkala munyika.”+
Bupanduluzi buyungizyidwe
^ Nkokwaamba kuti “Jehova Wasisa (Wayobola).”
^ Kuboneka kuti, nzintu naa micito iijatikizya kukomba mituni.
^ Kuboneka kuti oobu mbusena bumwi bwamu Jerusalemu afwaafwi a Mulyango wa Nswi.
^ Mu Chihebrayo, “Amala aabo.”
