Zefaniya 2:1-15
2 Amubungane, inzya amulibunge,+Nywebo nobantu bamucisi nomutalisendi.+
2 Mulawo noutanatalika kubeleka,Ibuzuba nobutanainda mbuli buungu,Bukali bwa Jehova ibuvwilima nobutanamusikila,+Buzuba bwabukali bwa Jehova nobutanamusikila,
3 Amuyandaule Jehova,+ nywebo nyoonse nobabombe myoyo bamunyika,Nomutobela mbeta zyakwe ziluleme.
Amuyandaule bululami, amuyandaule kubomba moyo.*
Ambweni muyoosiswa mubuzuba bwabukali bwa Jehova.+
4 Nkaambo Gaza uyooba munzi uusiidwe;Awalo Asikeloni uyooba matongo.+
Asidodi uyootandwa kalitwa mwaaba,Mpoonya Ekroni uyoozyulwa.+
5 “Maawe kulibaabo bakkala kunkomwe yalwizi, cisi cabana Kereti!+
Ijwi lya Jehova lyamusinganya nywebo.
O Kanana, ocisi caba Filisiti, ndiyookunyonyoona,Cakuti takukasyaali naba omwe uukkala mulinduwe.
6 Ayalo nkomwe yalwizi iyooba buyo macelelo,Imuli migoti yabeembezi alimwi azyaanda zyamabwe zyambelele.
7 Iyooba busena bwabantu basyeede bamuŋanda ya Juda;+Ooko nkobayoojana cakulya.Mangolezya bayakoona mumaanda aaku Asikeloni.
Nkaambo Jehova Leza wabo uyoobacebuka,*Eelyo uyooyobolola baange babo.”+
8 “Ndakumvwa kusampaula kwa Moabu+ amatusi aabana Amoni,+Aabo ibasampaula bantu bangu akulidunda kuti balabanyanga cilawo cabo.+
9 Aboobo, ncobeni mebo mbondili muumi,” mbwaamba Jehova wamakamu, Leza wa Israyeli,“Moabu uyooba mbubonya mbuli Sodoma,+Abalo bana Amoni bayooba mbuli Gomora,+Ibusena bwamamvwa, imulindi wamunyo amatongo lyoonse alyoonse.+Basyeede akati kabantu bangu bayoobasaala,Inzya basyeede mucisi cangu bayoobakona.
10 Eeci ncobayoojana akaambo kakulisumpula kwabo,+Nkaambo bakasampaula alimwi bakalisumpula kubantu ba Jehova wamakamu.
11 Jehova uyoobapa kuyoowa;Nkaambo uyoobanyonyoona baleza boonse bamunyika,Alimwi nsumbu zyoonse zyamumasi ziyoomukotamina,*+Imwi aimwi kubusena nkoibede.
12 Anywebo nobana Etiopiya muyoojaigwa apanga lyangu.+
13 Uyootandabika janza lyakwe kulubazu lwakunyika akunyonyoona cisi ca Asuri,Eelyo uyoopa kuti munzi wa Nineve ube matongo,+ akuyuma mbuli cimpayuma.
14 Matanga ayoolala mulinguwo, ibanyama bamusyokwe bamisyobo yoonse.*
Basifundwe alimwi anungu zinookkala aamitwe yamisemu yanguwo masiku.
Ijwi linakwiimba awindo.
Muyooba lunyonyooko mumulyango;Nkaambo uyoovwumbula mapulanga aakapanelwa.
15 Ooyu ngomunzi iwakali kulisumpula akukkala kauliibide,Ooyo wakali kwaamba mumoyo wanguwo kuti, ‘Ndendime, alimwi kunyina uumbi pe.’
Eelo kaka waba cintu cigambya kapati,Waba busena imulala banyama bamusyokwe!
Kufwumbwa muntu wiinda kulinguwo uyoosiba mulosi akuyumba mfwaindi yakwe.”+
Bupanduluzi buyungizyidwe
^ Naa “kulicesya.”
^ Naa “uyoobalanganya.”
^ Naa “ziyoomukomba.”
^ Mu Chihebrayo, “ibanyama boonse bamucisi.”
