Zekariya 13:1-9
13 “Mubuzuba oobo, bantu bamuŋanda ya Davida alimwi abantu bakkala mu Jerusalemu bayoosyidwa mugoti wakusalazya cibi abusofwaazi.+
2 “Mubuzuba oobo,” mbwaamba Jehova wamakamu, “ndiyoolobya mazina aamituni mucisi,+ aboobo taakayeeyegwi limbi pe; alimwi mucisi ndiyoogwisya basinsimi+ alimwi amuuya wabusofwaazi.
3 Alimwi ikuti muntu akasinsime limbi, bausyi abanyina ibakamuzyala bayoomwaambila kuti, ‘Yebo tokoopona pe, nkaambo waamba zyakubeja muzina lya Jehova.’ Eelyo bausyi abanyina ibakamuzyala bayoomuyasa akaambo kakuti wasinsima.+
4 “Mubuzuba oobo basinsimi bayoogunwa, umwi aumwi akaambo kacilengaano cakwe ciindi aakusinsima; alimwi tabakasami cisani caboya cabusinsimi+ kuti bacenge bantu.
5 Eelyo uyakwaamba kuti, ‘Mebo tandili musinsimi pe. Ndili muntu buyo uulima nyika, nkaambo muntu umwi wakanduula kandicili mwana kuti kandimubelekela.’
6 Mpoonya ikuti muntu umwi akamubuzye kuti, ‘Ino zilonda eezyi nzyojisi amubili wako* zyakaboola buti?’ Uyoovwiila kuti, ‘Zilonda eezyi nzyuumo nzyondakaumwa nindakali muŋanda yabeenzuma.’”*
7 “Opanga, kobuka ulwane mweembezi wangu,+Ulwane mwaalumi imweenzuma,” mbwaamba Jehova wamakamu.
“Komuuma mweembezi,+ kutegwa mbelele zimwaike;+Alimwi ndiyoojola janza lyangu kuti nduume zyeezyo zitabalwi.”
8 “Alimwi mucisi coonse,” mbwaamba Jehova,“Zibeela zyobilo izili mumo ziyookosolwa akunyonyoonwa;*Pele cibeela catatu ciyoosyaala mulincico.
9 Mpoonya cibeela catatu ndiyoociinzya mumulilo;Aboobo ndiyoobasalazya mbubonya mboisalazyigwa nsiliva,Alimwi ndiyoobasola mbubonya mboisolwa ngolida.+
Bayakwiita zina lyangu,Eelyo andime ndiyoobavwiila.
Ndiyakwaamba kuti, ‘Mbantu bangu,’+
Eelyo balo bayakwaamba kuti, ‘Jehova ngu Leza wesu.’”
Bupanduluzi buyungizyidwe
^ Mu Chihebrayo, “akati kamaboko aako.” Nkokuti, acamba naa andelo.
^ Naa “yabaabo bandiyanda.”
^ Naa “akufwa.”
