Zekariya 2:1-13
2 Mpoonya ndakawaala meso akubona mwaalumi iwakajisi ntambo yakupimya+ mujanza lyakwe.
2 Aboobo ndakabuzya kuti: “Ino uunka kuli?”
Wakavwiila kuti: “Nduunka kuyoopima munzi wa Jerusalemu, kutegwa ndizyibe mbouli mulamfwu mubwamba alimwi amubulamfwu.”+
3 Lino amubone! Imungelo ooyo iwakali kwaambaula andime wakaunka, mpoonya mungelo uumbi wakaboola kuzoomucinga.
4 Mpoonya wakamwaambila kuti: “Balika, ukaambile mulombwana uulya kuti, ‘“Jerusalemu uyookkalwa+ mbubonya mbuli munzi uutayakilidwe bwaanda, akaambo kabantu abanyama boonse ibali mulinguwo.+
5 Eelyo mebo,” mbwaamba Jehova, “ndiyakuubeda bwaanda bwamulilo buuzingulukide koonse-koonse,+ alimwi ndiyooba bulemu mulinguwo.”’”+
6 “Amuboole! Amuboole! Amutije kuzwa kucisi cakunyika,”+ mbwaamba Jehova.
“Nkaambo nywebo ndamumwaila kumyuwo yone yakujulu,”*+ mbwaamba Jehova.
7 “Koboola, Ziyoni! Kotija, yebo ookkede amwana musimbi wa Babuloni.+
8 Nkaambo mboobu mbwaamba Jehova wamakamu, ooyo walo naamana kulemekwa, iwandituma kumasi aakali kumusaala:+ ‘Kufwumbwa uumuguma nywebo uguma mboni yaliso lyangu.+
9 Nkaambo lino ndilavwukaula janza lyangu kuti ndibalwane, eelyo bayooba zintu zisaalwa abazike babo.’+ Aboobo muyoozyiba ncobeni kuti Jehova wamakamu nguwandituma.
10 “Koompolola akaambo kakukondwa, yebo omwana musimbi wa Ziyoni;+ nkaambo ndilaboola,+ eelyo ndizookkala mulinduwe,”+ mbwaamba Jehova.
11 “Bantu bamasi manji bayooliswaanganya kuli Jehova mubuzuba oobo,+ eelyo bayooba bantu bangu; alimwi ndiyookkala mulinduwe.” Eelyo uyoozyiba kuti Jehova wamakamu nguwandituma kulinduwe.
12 Jehova uyookona Juda kali caabilo cakwe munyika iisalala, aboobo uyoosala Jerusalemu alimwi.+
13 Amuumune, nobantu nyoonse kumbele lya Jehova, nkaambo walibambila kubweza ntaamu kuzwa kubusena bwakwe busalala nkwakkala.
Bupanduluzi buyungizyidwe
^ Naa “kumabazu one aanyika.”
