Mwaka amwaka inga tulalangila kapati kuyoogwasyigwa alwiiyo luzwa kuli Leza kumiswaangano yacooko. Aboobo, kutegwa abamwi balabile bubotu bwa Jehova, tuyootamba bantu banji kutegwa bakatusangane. (Int. 34:8) Kabunga kabaalu kamwi akamwi keelede kubona mbungano mboikonzya kwaabila tupepa twakutamba bantu.

• Ino muswaangano wesu uyoocitwa lili?

• Ino tuyootalika lili kutamba bantu?

• Ino miswaangano yakulibambila kuunka mumuunda inoocitwa mazuba nzi?

• Ino ndijisi mbaakani nzi kujatikizya mulimo wakutamba bantu?

• Ino mbaani mbondiyootamba?

Mwamana kwaanzyanya, mulakonzya kwaamba kuti:

“Tutola lubazu mumulimo uucitwa nyika yoonse wakutamba bantu kumuswaangano uuyandika kapati. Buzuba, ciindi, alimwi abusena nkouyoocitilwa muswaangano zililembedwe akapepa aaka. Tuyookkomana kumubona kumuswaangano ooyu.”

Nokuba kuti makanze eesu ngakutamba bantu banji kumuswaangano, tweelede kubagwasya aabo ibatondezya luyandisisyo.

Kumamanino aamvwiki inga twaabila mamagazini antoomwe atupepa twakutamba bantu.