Skip to content

Skip to table of contents

Amunjile (opens new window)

Bakamboni ba Jehova

Amusale mwaambo Chitonga Amunjile (opens new window)

AMUBALE MU

MBONO IZILI MU JWI LYA LEZA | JOBU 16-20

Amubakulwaizye Bamwi Akubayumya-yumya Amajwi Aumbulizya

AMULIZYE

Amubakulwaizye Bamwi Akubayumya-yumya Amajwi Aumbulizya

Majwi aasikupa lulayo ayelede kuyumya-yumya bamwi

Jobu wakalityompedwe kapati, aboobo wakali kuyandika kuyumizyigwa akuumbulizyigwa kuzwa kuli bamwi
Beenzinyina ba Jobu botatwe kunyina nobakamuumbulizya pe. Muciindi caboobo, bakali kwaamba majwi aakumutamikizya alo aakapa kuti aindile kutyompwa

Majwi aa Bilidadi aatayaki akapa Jobu kutongooka

Jobu wakalomba Leza kuti amugwasye—mane wakalomba kuti afwe buyo
Jobu wakabikkila maano kubulangizi bwabubuke aboobo wakuzumanana kuliyumya cakusyomeka

BASIKUTAMIKIZYA JOBU

Elifazi:

Kuboneka kuti wakali kuzwa ku Temani mu Edomu. Mulugwalo lwa Jeremiya 49:7, munzi wa Temani waambwa kuti wakazwide busongo bwabana Edomu
Elifazi ngowakasaanguna kubandika ambweni akaambo kakuti ngowakali mupati alimwi iwakajisi mpuwo kapati akati kabasikuumbulizya bakubeja. Wakabandika ziindi zyotatwe alimwi kwaciindi cilamfwu kwiinda beenzinyina bobilo

Itwaambo tutaluzi:

Wakaludooneka lusyomo lwa Jobu akwaamba kuti Leza tabasyomi babelesi bakwe (Job. 4, 5)
Wakaamba Jobu kuti wakali kulisumpula akuti wakali muntu mubi iwatakali kumuyoowa Leza (Job. 15)
Wakapa Jobu mulandu wabusyaacivwulemwangu akuti tanaakali kucita zintu cabululami alimwi akwaamba kuti muntu takwe mulimo kuli Leza (Job. 22)

Bilidadi:

Wakali walunyungu lwa Sua. Ambweni wakali kukkala munsi-munsi a Mulonga wa Firate
Ngowakali wabili kwaambaula. Majwi ngaakaamba ziindi zyotatwe akali mafwaafwi alimwi akali mabi kwiinda aa Elifazi

Itwaambo tutaluzi:

Wakaamba majwi aakapa muzeezo wakuti bana ba Jobu kuli ncobakabisya aboobo cakali kweelela kuti bafwe alimwi wakaamba kuti Jobu tanaakali kusyoma muli Leza (Job. 8)
Wakaamba kuti Jobu wakali sizibi (Job. 18)
Wakaamba kuti tacigwasyi nokuba kuti muntu wasyomeka kuli Leza (Job. 25)

Zofari:

Wakali muna Naamati, ambweni waku Arabia nkoili kunyika lwaambo
Ngowakali watatu kwaambaula alimwi ngowakaamba majwi aacisa kapati kwiinda beenzinyina. Wakaambaula buyo ziindi zyobilo

Itwaambo tutaluzi:

Wakaamba Jobu kuti wakali kwaamba caambaambe akuti wakeelede kuleka nzila zyakwe zibi (Job. 11)
Wakaamba Jobu kuti wakali muntu mubyaabi kapati alimwi akuti wakali kucikkomanina cibi (Job. 20)

KABBUKU KAMUSWAANGANO WABUUMI AMULIMO

Amubakulwaizye Bamwi Akubayumya-yumya Amajwi Aumbulizya

Chitonga

Amubakulwaizye Bamwi Akubayumya-yumya Amajwi Aumbulizya

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Cakkopwa

Amutumine Bamwi Kubelesya Email