KUPONA BUUMI BWA BUNAKRISTO
Amuzibelesye Kabotu Zibelesyo Nzyotubelesya Kapati Mukuyiisya
Kuyiisya bantu kuba basikwiiya cili mbuli kuyaka ŋanda. Kutegwa tuyake kabotu, tweelede kucizyiba kuzibelesya kabotu zibelesyo zyesu. Tweelede kwiiya kucibelesya kabotu icibelesyo cesu ciyandika kapati, Jwi lya Leza. (2Tim. 2:15) Alimwi tweelede kwaabelesya kabotu mabbuku eesu amavidiyo ngotubelesya kuyiisya bantu katujisi mbaakani yakuyiisya bantu kuba basikwiiya. *
Ino mbuti mbotukonzya kuzibelesya kabotu Zibelesyo Nzyotubelesya Kapati Mukuyiisya? (1) Amulombe lugwasyo kumulangizi wanu wakabunga kamulimo wamumuunda (2) amubeleke asikumwaya uucibwene naa mupainiya, mpoonya (3) amuzumanane kuzibelesya nzila nzyomwaiya. Mbomuyaabucizyiba kwaabelesya kabotu mabbuku amavidiyo, muyoojana lukkomano mumulimo ooyu wakumuuya uucitwa lino.
MAMAGAZINI
MABROSHUWA
MABBUKU
MATULAKITI
MAVIDIYO
TUPEPA TWAKUTAMBA BANTU
TUKKAADI TWAA JW.ORG
^ munc. 3 Mabbuku masyoonto aatali akati kamabbuku ngotubelesya kapati kuyiisya bantu akalembelwa bantu bagaminide. Mabbuku aaya alakonzya kubelesyegwa kufwumbwa noceelela.
