Kutalikila mwaka uuno, tunoojisi ciindi cinji cakulibambila Ciibalusyo calufwu lwa Kristo. Ikuti buzuba bwa Ciibalusyo kabuli mukati kansondo, Muswaangano wa Buumi Amulimo taunoocitwi pe munsondo eeyo. Ikuti buzuba bwa Ciibalusyo kabuli mu Mujibelo naa mu Nsondo, makani aabuleya alimwi a Ciiyo ca Ngazi Yamulindizi tazinoocitwi pe. Sena muyoocibelesya kabotu ciindi eeci icayungizyigwa? Mbubonya mbuli mumwaanda wamyaka wakusaanguna, kuyandika kulibambila kabotu kujatikizya muswaangano ooyu waalubazu. (Lk. 22:7-13; km 3/15 1) Pele toonse buyo tweelede kulibambila mumizeezo alimwi amumoyo. Mbuti mbotukonzya kucita oobo?

• Amuyeeye kaambo ncociyandika kapati kujanika.—1Kor. 11:23-26

• Amupaile akuzinzibala kuyeeya kujatikizya cilongwe ncomujisi a Jehova.—1Kor. 11:27-29; 2Kor. 13:5

• Amubale akuzinzibala kuyeeya Magwalo alimwi amabbuku aabandika mbociyandika Ciibalusyo.—Joh. 3:16; 15:13

Basikumwaya bamwi balabala akuzinzibala kuyeeya magwalo aali mukubala Bbaibbele kwa Ciibalusyo aajanika mukabbuku ka Kulingaula Magwalo Abuzuba. Bamwi babala tupango twamu Bbaibbele itutondezyedwe muccaati iili ansi aawa. Pele bamwi balanga-langa zibalo zyamu Ngazi Yamulindizi izibandika kujatikizya Ciibalusyo alimwi aluyando ndwaakatutondezya Jehova alimwi a Jesu. Kufwumbwa nzila njomwasala kubelesya, aimugwasye kuyumya cilongwe canu a Jehova alimwi a Mwanaakwe.