Jesu wakaaba buumi bwakwe akaambo kabantu batalondokede. (Rom. 5:8) Tacidoonekwi kuti tulalumba kapati nkaambo Jesu wakatondezya luyando kulindiswe kwiinda mukwaaba buumi bwakwe akaambo kandiswe. Nokuba boobo, zimwi ziindi tuyandika kuliyeezya kuti Kristo wakabafwida abalo bakwesu. Mbuti mbotukonzya kutondezya luyando mbuli lwa Kristo kubakwesu abacizyi balo ibatalondokede mbubwenya mbuli ndiswe? Amubone nzila zyotatwe. Yakusaanguna, tulakonzya kuyungizya balongwe mbotujisi kwiinda mukubikkilizya abaabo ibazwa mubukkale bwiindene abwesu. (Rom. 15:7; 2Kor. 6:12, 13) Yabili, tweelede kubikkila maano kapati kutegwa tutaambi naa kucita cintu cikonzya kubanyemya bamwi. (Rom. 14:13-15) Yatatu, ikuti umwi watulubizyila, tweelede kufwambaana kumulekelela. (Lk. 17:3, 4; 23:34) Ikuti twasolekesya canguzu kumwiiya Jesu munzila eezyi, Jehova uyoozumanana kwiilongezya mbungano yesu kuba aluumuno alimwi alukamantano.

AMWEEBELELE KAVIDIYO KAKUTI AMUZILANGE KABOTU ZINTU! MWAMANA MUBANDIKE MIBUZYO IITOBELA:

• Ino kumatalikilo ba Miki bakali kulimvwa buti kujatikizya mbungano yabo?

• Ino ncinzi cakapa kuti bacince mbobakali kulimvwa?

• Ino cikozyanyo ca Jesu cakabagwasya buti ba Miki kucinca mbobakali kuzilanga zintu? (Mk. 14:38)

• Ino lugwalo lwa Tusimpi 19:11 inga lwatugwasya buti kubabona munzila yeelede Banakristoma?