KUPONA BUUMI BWA BUNAKRISTO
Amuyeeye Muka Loti
Ino nkaambo nzi mukaintu wa Loti ncaakalanga musyule ciindi nobakali kuzwa mu Sodoma? Bbaibbele talyaambi pe. (Matl. 19:17, 26) Twaambo itweengelede kukucenjezya kwa Jesu tutondezya kuti ambweni wakali kulombozya zintu nzyaakasiya musyule. (Lk. 17:31, 32) Mbuti mbotukonzya kweeleba ntenda yakuleka kukkomaninwa a Leza mbuli muka Loti? Tatweelede kulekela luyandisisyo lwazintu zyakumubili kuba cintu cakusaanguna mubuumi bwesu. (Mt. 6:33) Jesu wakayiisya kuti ‘tatukonzyi kubelekela Leza alimwi a Lubono.’ (Mt. 6:24) Pele ino mbuti kuti twabona kuti zintu zyakumubili zyatalika kutumanina ciindi ncotweelede kucita zintu zyakumuuya mubuumi bwesu? Tweelede kupaila kuli Jehova kutegwa atupe busongo bwakucikonzya kubona mpotweelede kucinca alimwi anguzu kutegwa tucikonzye kucita boobo.
AMUYEEYE VIDIYO IIJISI ZIBEELA ZYOTATWE YAKUTI AMUYEEYE MUKA LOTI, MWAMANA MUBANDIKE MIBUZYO IITOBELA:
-
Ino inga ndatondezya buti kwiinda muzintu nzyondicita kuti ‘ndilamuyeeya muka Loti’
Ino kuyandisisya kuba amali manji kwakabajatikizya buti ba Gloria mumizeezo, muŋambawido alimwi amumicito?
-
Ino mbuti mukaintu wa Loti mbwali cikozyanyo citucenjezya mazuba aano?
-
Ino kubelesya njiisyo zyamu Bbaibbele kwakabagwasya buti ba Joe amukwasyi wabo?
-
Ino Anna wakajatikizyigwa buti kumuuya akaambo kabalongwe mbaakali kuyanzana limwi kumulimo?
-
Nkaambo nzi ncotuyandika busicamba ikuti naa twasinikizyigwa kusaanguna kuyandaula mali mubuumi bwesu?
-
Ino ba Brian aba Gloria bakatalika buti alimwi kubikkila maano kuzintu zyakumuuya?
-
Ino ninjiisyo nzi zyamu Bbaibbele nzyomwabona muvidiyo eeyi?
