KABBUKU KAMUSWAANGANO WABUUMI AMULIMO December 2016
Zitondezyo Zyacikozyanyo
Zitondezyo zyacikozyanyo zyamagazini ya Sinsimuka! alimwi akasimpe kamu Bbaibbele kujatikizya cileta mapenzi. Amutobelezye zikozyanyo kutegwa mulembe nzila zyanu nobeni.
MBONO IZILI MU JWI LYA LEZA
“Atweende Tutante Cilundu ca Jehova”
Musinsimi Isaya wakapandulula kusanduka kwazilwanyo zyankondo kuba zibelesyo zyakulimya, ikutondezya kuti bantu ba Jehova banoojisi luumuno. (Isaya 2:4)
KUPONA BUUMI BWA BUNAKRISTO
Kubasika Amoyo Bantu Kwiinda Mukubelesya Bbuku Lyakuti “Amuzumanane Kukkala Muluyando lwa Leza”
Bbuku lya ‘Luyando lwa Leza’ ligwasya basikwiiya Bbaibbele kuzyiba njiisyo zya Leza mbozigwasya mubuumi bwa buzuba abuzuba
MBONO IZILI MU JWI LYA LEZA
Mesiya Wakabuzuzikizya Businsimi
Isaya wakasinsima kuti Mesiya uyookambauka mucooko ca Galilaya. Jesu wakabuzuzikizya businsimi oobu ciindi naakali kweenda kakambauka makani mabotu.
MBONO IZILI MU JWI LYA LEZA
“Ndime Aano! Kondituma!”
Mbuti mbotukonzya kwiiya muuya wakulyaaba alusyomo lwa Isaya? Amwiiye kucakuluula camukwasyi umwi iwakaunka kuyookambaukila kubusena kubulide.
MBONO IZILI MU JWI LYA LEZA
Nyika Iyoozula Luzyibo lwa Jehova
Ino businsimi bwa Isaya ibwaamba nyika kuba paradaiso bwakazuzikizyigwa buti kaindi, mazuba aano, alimwi akumbele?
KUPONA BUUMI BWA BUNAKRISTO
Kuyiisyigwa a Leza Kulaluzunda Lusalululo
Baalumi bobilo ibatakali kumvwana baba babunyina bakumuuya—cintu icitondezya nguzu zyakukamantanya akaambo kakuyiisyigwa a Leza.
MBONO IZILI MU JWI LYA LEZA
Kutazibelesya Kabotu Nguzu Nzyomupedwe Kupa Kusweekelwa Bweendelezi
Ino Sebina wakeelede kuzibelesya buti nguzu zyakwe zyabweendelezi? Nkaambo nzi Jehova ncaakagwisya Sebina akubikka Eliyakimu?
