IKAAMBO NCOCIYANDIKA: Bananike alimwi abambelele zimwi balabatamba bantu bamisyobo yoonse kuti ‘banywe maanzi aabuumi kakunyina kubbadela.’ (Ciy. 22:17) Maanzi aaya aacikozyanyo ayiminina bubambe boonse bwa Jehova bwakufwutula bantu bamvwida kuzwa kucibi alimwi alufwu. Kutegwa tubagwasye bantu bajisi zilengwa alimwi anjiisyo zyabukombi ziindene-indene, tweelede kwaambilizya “makani mabotu aatamani” munzila iimusika amoyo muntu umwi aumwi.—Ciy. 14:6.

MBOTUKONZYA KUCITA OOBO:

• Amusale makani alimwi alugwalo lukonzya kubasika amoyo bantu bamucilawo canu. Mulakonzya kusala mubandi wacitondezyo naa nzila imwi njomwali kubelesya yalo njomwabona kuti ilagwasya kapati. Ino makani nzi alimwi magwalo nzi aabakkomanisya kapati bantu? Sena kuli makani aakaambwa anyuuzi caino-ino alo ngobayeeya bantu? Ino makani nzi aakonzya kukkomanisya mwaalumi naa mukaintu?

• Nomutalisya mubandi wanu, amubikkilizye akwaanzyanya alimwi azilengwa izidumide kubusena nkomukkala.—2Kor. 6:3, 4

• Amwaazyibe kabotu mabbuku alimwi atuvidiyo tujanika mu Zibelesyo Nzyotubelesya Kapati Mukuyiisya zyalo nzyomukonzya kwaabila muntu watondezya luyandisisyo

• Amudaunilode mabbuku alimwi amavidiyo aamumyaambo yabantu mbomulangila kujana mucilawo canu

• Amucince makani aanu kweelana anzyayandika mukamwiniŋanda. (1Kor. 9:19-23) Mucikozyanyo, ino ncinzi ncomukonzya kwaamba ikuti mwazyiba kuti mukamwiniŋanda wakafwidwa muyandwa wakwe caino-ino?

AMWEEBELELE KAVIDIYO, MPOONYA MWIINGULE MIBUZYO IITOBELA:

• Ino makani nzi sikumwaya ngaatalisya kubandika amukamwiniŋanda?

• Ino mukamwiniŋanda wali mubukkale nzi?

• Ino ndugwalo nzi ilwali kweelela kapati mubukkale oobu, alimwi nkaambo nzi?

• Mbuti mbomukonzya kucinca ntalisyo yanu kutegwa mubasike amoyo bantu bamucilawo canu?