Kuzwa kaindi, beendelezi bamfwulumende bali kubagwasyilizya bantu ba Jehova. (Ezr. 6:1-12; Es. 8:10-13) Naaba mazuba aano, twabona “nyika,” nkokuti bantu naa beendelezi babweende oobu ibanyoneka, mbobaumena “Mulonga” wamapenzi aaletwa ‘asimwaaba,’ Saatani Diabolosi. (Ciy. 12:16) Jehovah, “Leza uutufwutula,” zimwi ziindi ulakonzya kupa kuti beendelezi bamunyika babagwasye bantu bakwe.—Int. 68:20; Tus. 21:1.

Pele, ino mbuti kuti mwaangwa akaambo kalusyomo lwanu? Amuzyibe kuti Jehova ulimubwene. (Matl. 39:21-23; Int. 105:17-20) Amube alusyomo lwakuti muyoolongezyegwa akaambo kalusyomo lwanu alimwi akuti kusyomeka kwanu kulabakulwaizya bakwesu munyika yoonse.—Flp. 1:12-14; Ciy. 2:10.

AMWEEBELELE KAVIDIYO KAKUTI BAKWESU BAKU KOREA BAANGUNUNWA KUZWA MUNTOLONGO, MPOONYA MWIINGULE MIBUZYO IITOBELA:

• Nkaambo nzi bakwesu banji baku South Korea ncobakabikkwa muntolongo mumyaka yainda?

• Ino nkukosola kuli buti kwankuta ikwakapa kuti bakwesu bamwi baangununwe kufwambaana?

• Mbuti mbotukonzya kubagwasya bakwesu munyika yoonse ibaangidwe akaambo kalusyomo lwabo?

• Mbuti mbotukonzya kulubelesya lwaanguluko luli loonse ndotujisi lino?

• Ino nguni mubwini uupa kuti katuzunda munkuta?