Sena mujisi myaka iili akati ka 23 a 65 alimwi muli mumulimo waciindi coonse? Sena buumi bwanu buli kabotu, alimwi mulakonzya kubelekela kubusena kuli koonse kuyandika bakambausi ba Bwami? Ikuti mwaingula kuti inzya kumibuzyo eeyi, sena kuli nomwakayeeyede kulembela Cikolo Cabakambausi ba Bwami? Kuzwa nocakatalika, banabukwetene banji, bakwesu batanakwata alimwi abacizyi batanakwatwa bakalembela kucikolo eeci. Nokuba boobo, kuyandika bakwesu banji ibatanakwata kulembela. Amumulombe Jehova kuti amugwasye kuyungizya luyandisisyo lwakumukkomanisya alimwi akwiiya Mwanaakwe. (Int. 40:8; Mt. 20:28; Heb. 10:7) Mpoonya amubone mbomukonzya kucesya mulimo wanu wakumubili naa mikuli iimwi kutegwa mweelele.

Ino bapegwa mikuli nzi aabo ibamanizya lwiiyo alimwi batumwa kuyoobelekela kuli? Basikumanizya cikolo bamwi balatumwa kuyoobelekela mumasena oomo mobabelesya myaambo iimbi naa kutola lubazu mubukambausi bwaalubazu bwakukambauka kubuleya. Mukuya kwaciindi, bamwi balabeleka kabali balangizi babbazu bajatilila, balangizi babbazu naa bamisyinali. Nomuyeeya zintu nzyomukonzya kucita mumulimo wa Jehova, amube amuuya ngwaakajisi musinsimi Isaya iwakati: “Ndime aano! Kondituma!”—Is. 6:8.

AMWEEBELELE KAVIDIYO KAKUTI BAMISYINALI​—KUTOLA LUBAZU MUMULIMO WAKUTEBULA , MPOONYA MWIINGULE MIBUZYO IITOBELA:

• Ino mbuti bamisyinali mbobasalwa?

• Ino mulimo nzi mubotu ngobacita?

• Ino nzilongezyo nzi zimwi nzyobajana?