KUPONA BUUMI BWA BUNAKRISTO
Amubagwasye Bana Banu Kuba Alusyomo Luyumu mu Mulengi
Zilenge zyaambilizya bulemu bwa Jehova. (Int. 19:1-4; 139:14) Nokuba boobo, nyika ya Saatani isumpula njiisyo izisampaula Leza kujatikizya mbobwakatalika buumi. (Rom. 1:18-25) Mbuti mbomukonzya kulesya njiisyo izili boobo kuti zitanjili mumizeezo alimwi amumyoyo yabana banu? Amubagwasye kabacili basyoonto kuba alusyomo lwakuti Jehova nkwali alimwi akuti ulabalanganya umwi aumwi kumugama. (2Kor. 10:4, 5; Ef. 6:16) Amuzyibe bwini mbobayeeya kujatikizya zintu nzyobayiisyigwa kucikolo, alimwi amubelesye zibelesyo ziindene-indene iziliko kutegwa mubasike amoyo.—Tus. 20:5; Jak. 1:19.
AMWEEBELELE VIDIYO YAKUTI NZYOBAAMBA BEENZINYOKO—KUSYOMA MULI LEZA, MPOONYA MULANGE-LANGE MIBUZYO IITOBELA:
Ino nkaano nzi kadumide kujatikizya kusyoma muli Leza?
Ino ncinzi ciyiisyigwa kucikolo canu?
Ino ncinzi cimupa kusinizya kuti Jehova nkwali?
Mbuti mbomukonzya kumugwasya muntu kubona kuti Leza nguwakalenga zintu zyoonse?
Andiza Inga Mwaakkomanina Ayaaya
BAKUBUSI BALABUZYA
Kulenga naa Kusanduka?—Cibeela 1: Nkaambo Nzi Ncondisyoma Muli Leza?
Sena inga mwayanda kuzyiba mbomukonzya kupandulula calusinizyo ikaambo ncomusyoma muli Leza? Amubone cikonzya kumugwasya kwiingula kuti muntu wamubuzya kujatikizya nzyomusyoma.
